ഏകദിന ലോകകപ്പിലെ നാലാം മത്സരത്തില്‍ ഇന്ത്യ ഇന്ന് ബംഗ്ലാദേശിനെ നേരിടും. പൂനെയിലാണ് മത്സരം നടക്കുന്നത്. കളിച്ച മൂന്ന് കളിയിലും ജയിച്ച ഇന്ത്യ നാലാം മത്സരവും ജയിച്ച് പോയിന്റ് പട്ടികയില്‍ ഒന്നാമതെത്തനാണ് ഇറങ്ങുന്നത്. നിലവില്‍ ന്യൂസിലന്‍ഡാണ് പോയിന്റ് പട്ടികയില്‍ മുന്നില്‍. കളിച്ച മൂന്ന് കളിയും തോറ്റ ബംഗ്ലാദേശ് തിരിച്ചുവരവ് പ്രതീക്ഷയിലാണ്.
എംസിഎ സ്റ്റേഡിയം ബാറ്റര്‍മാര്‍ക്ക് കണക്കാക്കുന്നത്. മത്സരത്തിലുടനീളം ബാറ്റര്‍മാര്‍ക്ക് പിച്ച് മികച്ച പിന്തു നല്‍കും. 7 ഏകദിനങ്ങള്‍ മാത്രമാണ് ഇവിടെ നടന്നിട്ടുള്ളത്. ഈ മത്സരങ്ങളില്‍, ആദ്യ ഇന്നിംഗ്സിലെ ശരാശരി സ്‌കോര്‍ 307 ആണ്. ആദ്യം ബാറ്റ് ചെയ്യുന്ന ടീമിനാണ് അധികം വിജയ സാധ്യത. 7 മത്സരങ്ങളില്‍ 4 എണ്ണം വിജയിച്ചത് ആദ്യം ബാറ്റ് ചെയ്ത ടീമാണ്.
2017ല്‍ ഇംഗ്ലണ്ടിനെതിരെ ഇന്ത്യ നേടിയ 356/2 ആണ് ഇവിടെ രേഖപ്പെടുത്തിയ ഉയര്‍ന്ന സ്‌കോര്‍. 2013-ല്‍ ഓസ്ട്രേലിയയ്ക്കെതിരെ ഇന്ത്യ നേടിയ 232 ആണ് ഏറ്റവും കുറഞ്ഞ സ്‌കോര്‍. രണ്ട് വര്‍ഷത്തിന് ശേഷമാണ് ഇവിടെ ഒരു മത്സരം നടക്കുന്നത് എന്നതിനാല്‍ പിച്ച് എങ്ങനെ പ്രവര്‍ത്തിക്കുമെന്ന കാര്യത്തില്‍ അനിശ്ചിതത്വമുണ്ട്.
Read more
എന്നിരുന്നാലും, സ്റ്റേഡിയത്തിന്റെ ഉയര്‍ന്ന സ്‌കോറിംഗ് സ്വഭാവം കണക്കിലെടുത്താല്‍, ടോസ് നേടുന്ന ടീമിന് ആദ്യം ബാറ്റ് ചെയ്യാന്‍ തിരഞ്ഞെടുക്കാനും ബോര്‍ഡില്‍ റണ്‍സ് ഇടാനും ചേസിംഗ് വശത്ത് സമ്മര്‍ദ്ദം ചെലുത്താനും കഴിയും. അതിനാല്‍ ഇന്ന് കടുത്ത പോരാട്ടം തന്നെ പ്രതീക്ഷിക്കാം.
