ഐപിഎൽ എലിമിനേറ്റർ മത്സരത്തിൽ സൺ റൈസേഴ്സ് ഹൈദരാബാദിനെ 42 റൺസിന് തകർത്ത് രണ്ടാം ക്വാളിഫയറിലേക്ക് പ്രവേശിച്ച് രാജസ്ഥാൻ റോയൽസ്. ഇന്ത്യൻ വണ്ടർ കിഡ് എന്ന് വിളിപ്പേരുള്ള വൈഭവ് സൂര്യവൻഷിയുടെ മികവിലാണ് രാജസ്ഥാന് വിജയിക്കാൻ സാധിച്ചത്. ആദ്യം ബാറ്റ് ചെയ്യാനായി കളത്തിലെത്തിയ രാജസ്ഥാന് റോയൽസ് 20 ഓവറില് 8 വിക്കറ്റ് നഷ്ടത്തില് 243 റൺസ് നേടി. 29 പന്തില് 97 റണ്സെടുത്ത വൈഭവാണ് രാജസ്ഥാന്റെ ടോപ് സ്കോറർ.
ബോളർമാരുടെ പേടി സ്വപ്നം എന്നാണ് ഇപ്പോൾ പല മുൻ താരങ്ങളും വൈഭവിനെ വിശേഷിപ്പിക്കുന്നത്. ഇപ്പോഴിതാ വൈഭവിന്റെ അടുത്ത ഇരയാകാൻ പോകുന്നത് ഗുജറാത്ത് താരം മുഹമ്മദ് സിറാജ് ആണെന്ന് പറഞ്ഞിരിക്കുകയാണ് മുൻ ഇന്ത്യൻ താരം കെ ശ്രീകാന്ത്.
Read more
‘രാജസ്ഥാന് ഇനി മുന്നിലുള്ള ക്വാളിഫയർ മത്സരത്തിൽ ഗുജറാത്ത് ടൈറ്റൻസിന്റെ പേസർ മുഹമ്മദ് സിറാജിനെ ആയിരിക്കും വൈഭവ് ലക്ഷ്യം വെക്കുക. മുൻപ് ഇരുടീമുകളും ഏറ്റുമുട്ടിയ മത്സരത്തിൽ മുഹമ്മദ് സിറാജ് വൈഭവിന്റെ വിക്കറ്റ് എടുത്ത ശേഷം താരത്തെ ദേഷ്യത്തോടെ നോക്കിയിരുന്നു. ആ രംഗം വൈഭവിന്റെ മനസ്സിലുണ്ടാകുമെന്നും, നാളെ സിറാജിന് വൈഭവിൽ നിന്ന് അതിനുള്ള വലിയ പ്രഹരം ഏൽക്കേണ്ടി വരും’, ശ്രീകാന്ത് മുന്നറിയിപ്പ് നൽകി.
