ഇന്ത്യൻ പ്രീമിയർ ലീഗിൽ തങ്ങളുടെ ചരിത്രത്തിലെ ഏറ്റവും മോശം സീസണിലൂടെയാണ് ചെന്നൈ സൂപ്പർ കിങ്‌സ് കടന്നുപോകുന്നത്. 7 ൽ ആറ് മത്സരങ്ങളും തോറ്റ ടീമിന്റെ നില പരുങ്ങലിൽ ആയിട്ടുണ്ട്. താരങ്ങളുടെ സ്ഥിരത ഇല്ലായ്മയും ജഡേജയുടെ ക്യാപ്റ്റൻസിയുമാണ് തോൽവിക്ക് കാരണമായി പറയുന്നത്. സമ്മർദ്ദത്തിലായ ജഡേജക്ക് തന്ത്രങ്ങൾ ഒന്നും മെനയാൻ സാധിക്കുന്നില്ല എന്ന് ആരാധകർ പറയുന്നു. ഇപ്പോഴിതാ താരത്തിന്റെ ക്യാപ്റ്റൻസിയെക്കുറിച്ചും ധോണിയെക്കുറിച്ചും അഭിപ്രായം പറഞ്ഞിരിക്കുകയാണ് മൈക്കിൾ വോൺ.
” ഒരു പുതിയ ക്യാപ്റ്റനെന്ന നിലയിൽ, നിങ്ങൾ കഠിനമേറിയ ഗെയിമുകൾ ജയിക്കാൻ ഇഷ്ടപെടുന്നു . സത്യസന്ധമായി, ഇത് ഒരു കഠിന ഗെയിമായിരുന്നില്ല, എന്നിട്ടും അവർ തോറ്റു . ചെന്നൈക്ക് 10 അല്ലെങ്കിൽ 15 റൺസിന് എളുപ്പത്തിൽ ജയിക്കണമായിരുന്നു, ഇപ്പോൾ എന്താണ് സംഭവിക്കുന്നതെന്ന് എനിക്ക് ഊഹിക്കാവുന്നതേയുള്ളൂ. എം.എസ്.ധോനി ഇത്തരത്തിൽ പല മത്സരങ്ങളും തോറ്റതായി ഞാൻ ഓർക്കുന്നില്ല. എം‌എസിന്റെ ടീം ഒരു ടൈറ്റ് ഗെയിം തോൽക്കുന്നത് നിങ്ങൾ ഒരിക്കലും കണ്ടിട്ടില്ല, മാത്രമല്ല അത് ടൈറ്റാകാൻ പോലും അനുവദിക്കുമായിരുന്നില്ല.”
പുതിയ നായകനെക്കുറിച്ച് ചോദിച്ചപ്പോൾ ” ജഡേജ സമ്മർദ്ദത്തിലാണ്. ഒരു പുതിയ നായകന് ടീം ജയിക്കണം എന്നുണ്ട്. താരത്തിൽ അതൊന്നും കാണുന്നില്ല. തീരുമാനങ്ങൾ എടുക്കാൻ പറ്റുന്നില്ല.”
Read more
ഇനിയുള്ള എല്ലാ മത്സരങ്ങളിലും മികച്ച വിജയം നേടിയാൽ മാത്രമേ ചെന്നൈക്ക് മുന്നോട്ടുള്ള യാത്ര സുഖം ആവുകയുള്ളൂ.
