'സാറ' വിളികളുമായി ഗില്ലിനെ വിടാതെ ആരാധകര്‍; ചെവി കൊടുക്കാതെ താരം; വൈറലായി കോഹ്‌ലിയുടെ പ്രതികരണം

ഇന്ത്യ ന്യൂസീലന്‍ഡ് പരമ്പരയിലെ അവസാന ഏകദിനത്തില്‍ ശുഭ്മാന്‍ ഗില്ലിനെ ‘സാറ’യുടെ പേരു വിളിച്ചു കളിയാക്കി ആരാധകര്‍. ‘സാറയ്ക്കു സുഖമാണോയെന്നായിരുന്നു’ ആരാധകര്‍ക്ക് അറിയേണ്ടത്. എന്നാല്‍ ഗില്‍ ആരാധകരുടെ ചോദ്യങ്ങള്‍ക്കും കമന്റിനും ചെവികൊടുത്തില്ല. എന്നാല്‍ ഈ സമയം വിരാട് കോഹ്ലിയുടെ ഭാഗത്തുനിന്നുണ്ടായ റിയാക്ഷന്‍ സോഷ്യല്‍ മീഡിയയില്‍ റൈലായിരിക്കുകയാണ്.

ആരാധകരുടെ പ്രകടനം ആസ്വദിച്ച കോഹ്‌ലി ഗ്രൗണ്ടില്‍വച്ചു ചിരിക്കുകയും ആരാധകര്‍ക്ക് മൗന പിന്തുണ നല്‍കുകയും ചെയ്തു. ഇതിന്റെ വീഡിയോ സോഷ്യല്‍ മീഡിയയില്‍ ഇതിനോടകം വൈറലായി കഴിഞ്ഞു.

കഴിഞ്ഞവര്‍ഷം സോനം ബജ്വക്കൊപ്പം ശുഭ്മാന്‍ ഒരു ടോക്ക് ഷോയില്‍ പങ്കെടുത്തിരുന്നു. സംസാരത്തിനിടെ, ബോളിവുഡിലെ ഏറ്റവും മികച്ച നടിയെക്കുറിച്ച് ചോദിച്ചപ്പോള്‍ രണ്ടാമതൊന്ന് ആലോചിക്കാതെ സാറ അലി ഖാന്റെ പേരാണ് ഗില്‍ പറഞ്ഞത്. ബോളിവുഡ് താരവുമായി ഡേറ്റിംഗ് നടത്തുമോ എന്നു ചോദിച്ചപ്പോള്‍ ‘ഒരുപക്ഷേ’ എന്നും ഗില്‍ പ്രതികരിച്ചിരുന്നു.

അന്നുമുതല്‍ ഗില്ലും സാറയും തമ്മില്‍ പ്രണയത്തിലാണെന്ന അഭ്യൂഹം ഉയര്‍ന്നിരുന്നു. ഇപ്പോള്‍ വീണ്ടും സോനം തന്നെ സാറയുടെ പേര് പരാമര്‍ശിച്ചതോടെ ആ’അഭ്യൂഹം’ വീണ്ടും സജീവമായിരിക്കുകയാണ്. നേരത്തെ, മുന്‍ ഇന്ത്യന്‍ ക്രിക്കറ്റ് താരം സച്ചിന്‍ തെന്‍ഡുല്‍ക്കറുടെ മകള്‍ സാറ ടെണ്ടുല്‍ക്കറുമായി ചേര്‍ത്തും ഗില്ലിന്റെ പേര് ഉയര്‍ന്നു വന്നിരുന്നു.