ബര്‍മിംഗ്ഹാം: ആഷസ് പരമ്പര പുരോഗമിക്കുന്നതിനിടെ ഇംഗ്ലണ്ടിന് കനത്ത തിരിച്ചടി നല്‍കി പരിക്ക്. ഒന്നാം
ടെസ്റ്റില്‍ ഇംഗ്ലീഷ് ടീമിലുളള ജെയിംസ് ആന്‍ഡേഴ്‌സന്റെ പരിക്കിന് പിന്നാലെ ഇംഗ്ലണ്ട് പേസര്‍ മാര്‍ക് വുഡിന് ആഷസും ഈ സീസണും നഷ്ടമാകും.
കാല്‍മുട്ടിന് ശസ്ത്രക്രിയക്ക് വിധേയനായ മാര്‍ക് വുഡ് ഈ സീസണ്‍ കളിക്കില്ലെന്ന് ഇംഗ്ലീഷ് ക്രിക്കറ്റ് ബോര്‍ഡാണ് അറിയിച്ചത്. ലോകകപ്പിനിടെയാണ് താരത്തിന്റെ കാല്‍മുട്ടിന് പരിക്കേറ്റത്. ലോകകപ്പില്‍ ഇംഗ്ലണ്ടിന്റെ കിരീടധാരണത്തില്‍ നിര്‍ണായകമായ താരം 18 വിക്കറ്റുകള്‍ നേടിയിരുന്നു.
എഡ്ജ്ബാസ്റ്റണില്‍ നടന്നുകൊണ്ടിരിക്കുന്ന ആദ്യ ടെസ്റ്റില്‍ മാര്‍ക് വുഡിനെ ഉള്‍പ്പെടുത്തിയിരുന്നില്ല.
Read more
ജെയിംസ് ആന്‍ഡേഴ്സണിന്റെ പരിക്കും ഇംഗ്ലണ്ടിന് തലവേദനയാണ്. ഓസീസ് ഇന്നിംഗ്സിലെ നാലാം ഓവറിനൊടുവില്‍ കാലിന് പരിക്കേറ്റ ആന്‍ഡേഴ്സണ്‍ പിന്നീട് പന്തെറിഞ്ഞില്ല. നാല് ഓവറില്‍ മൂന്ന് മെയ്ഡനടക്കം ഒരു റണ്‍ മാത്രമാണ് ആന്‍ഡേഴ്സണ്‍ വിട്ടുകൊടുത്തത്. രണ്ടാം ഇന്നിംഗ്സിലും ആന്‍ഡേഴ്സണ്‍ കളിക്കാനുളള സാധ്യത വിരളമാണ്.
