2022 ഓസ്‌ട്രേലിയയിൽ നടന്നുകൊണ്ടിരിക്കുന്ന ഐസിസി പുരുഷ ടി20 ലോകകപ്പിന്റെ സൂപ്പർ 12 ഘട്ടത്തിലെ നാല് മത്സരങ്ങൾ മഴ കാരണം പൂർണ്ണമായും ഒഴിവാക്കിയിരുന്നു. കാലാവസ്ഥാ പ്രവചനം മുൻകൂട്ടി അറിഞ്ഞിട്ടും സംഘാടകരുടെ തയ്യാറെടുപ്പിനെയും പ്രതികരണത്തെയും മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ ചോദ്യം ചെയ്തതോടെ ഷെഡ്യൂളിംഗിനെ ചുറ്റിപ്പറ്റിയുള്ള വിമർശനം വർദ്ധിച്ചുകൊണ്ടിരിക്കുന്നു.

മെൽബൺ ക്രിക്കറ്റ് ഗ്രൗണ്ടിൽ (എം‌സി‌ജി) നടക്കാനിരുന്ന രണ്ട് മത്സരങ്ങളും – അഫ്ഗാനിസ്ഥാൻ vs അയർലൻഡ്, ഓസ്‌ട്രേലിയ vs ഇംഗ്ലണ്ട് – മഴ കാരണം ടോസ് ചെയ്യാതെ ഉപേക്ഷിച്ചു. മേൽക്കൂരയുള്ള മെൽബണിലെ ഡോക്ക്‌ലാൻഡ്‌സ് സ്റ്റേഡിയം എന്തുകൊണ്ടാണ് വെള്ളിയാഴ്ച മത്സരങ്ങൾക്കായി ഉപയോഗിക്കാത്തതെന്ന് വോൺ ചോദിച്ചു.

“ഓസ്‌ട്രേലിയയിലെ മഴക്കാലം .. മേൽക്കൂരയുള്ള മെൽബണിലെ സ്റ്റേഡിയം..!!!!! അത് ഉപയോഗിക്കുന്നത് ബുദ്ധിയായിരിക്കില്ലേ ?

വോൺ ട്വീറ്റ് ചെയ്തു. മൈതാനം വരണ്ടുണങ്ങാൻ കാത്തിരിക്കാതെ മത്സരങ്ങൾ വേഗത്തിൽ നടക്കുന്നുണ്ടെന്ന് ഉറപ്പാക്കാൻ ശ്രീലങ്കയിലെ ക്രിക്കറ്റ് സ്റ്റേഡിയങ്ങളിലെ ഗ്രൗണ്ട് പൂർണ്ണമായും മറക്കുന്നതിന്റെ ഉദാഹരണം അദ്ദേഹം ഉദ്ധരിച്ചു. വലിയ ഇടിമിന്നൽ വരുന്ന കൊടുങ്കാറ്റുകളുള്ള ശ്രീലങ്കയിൽ അവർ ഗ്രൗണ്ട് മുഴുവൻ മൂടുകയും അതിനാൽ തന്നെ മഴ കഴിഞ്ഞാൽ ഉടൻ തന്നെ അവിടെ കളി നടക്കുന്നു അവിടെ, ഇത്രയും സൗകര്യമുള്ള ഓസ്ട്രേലിയ എന്തുകൊണ്ടാണ് അതൊന്നും ചെയ്യാത്തത്.”

ഒരുപാട് നല്ല മത്സരങ്ങൾ മഴ കാരണം ഉപേക്ഷിച്ചത് വലിയ നിരാശയാണ് ഇപ്പോൾ ഉണ്ടാകുന്നത്.