മുൻ ഇന്ത്യൻ താരം സുനിൽ ഗവാസ്കറിന് ഐപിഎല്ലിൽ വിനാശകരമായ ജോഡി (ബാറ്റിങ് പെയർ ) ഏതെന്നുള്ള ചോദ്യത്തിന് ഉത്തരവുമായി വന്നിരിക്കുകയാണ്. ഐപിഎൽ 2024-ൽ കൊൽക്കത്ത നൈറ്റ് റൈഡേഴ്സും ഡൽഹി ക്യാപിറ്റൽസും തമ്മിലുള്ള മത്സരത്തിനിടെ ആന്ദ്രെ റസ്സലും റിങ്കു സിംഗും തുടർച്ചയായി ബൗണ്ടറികളും സിക്സും അടിച്ചുകൊണ്ടിരുന്ന സമയത്താണ് താരം ഈ ചോദ്യം നേരിടേണ്ടതായി വന്നത്.
രണ്ടു താരങ്ങളും ചേർന്ന് ആ സമയത്ത് ഡൽഹിയെ തകർത്തെറിയുക ആയിരുന്നു. കമൻ്ററി ബോക്സിലുണ്ടായിരുന്ന ഗവാസ്കറിനോട് ഇവർ രണ്ടുപേരും ഏറ്റവും വിനാശകരമായ ജോഡികളാണോ അതോ മറ്റാരെങ്കിലും ആണോ എന്ന ചോദ്യത്തിനാണ് ഇന്ത്യൻ ഇതിഹാസം തന്റെ അഭിപ്രായവും പറഞ്ഞത്.
റോയൽ ചലഞ്ചേഴ്സ് ബംഗളൂരുവിന് വേണ്ടി കളിക്കുന്ന വിരാട് കോഹ്ലിയുടെയും ഗ്ലെൻ മാക്സ്വെല്ലിൻ്റെയും പേരുകൾ ഇതിഹാസ താരം പെട്ടെന്ന് എടുത്തു. “വിരാട് കോഹ്ലിക്കും ഗ്ലെൻ മാക്സ്വെല്ലിനും എതിരാളികളെ അടിച്ചുപറത്താനും ആധിപത്യം സ്ഥാപിക്കാനും വളരെ എളുപ്പത്തിൽ തന്നെ സാധിക്കും ” ഇതിഹാസം തന്റെ അഭിപ്രായം പറഞ്ഞു.
Read more
“വിരാട് കോഹ്ലിയും ഗ്ലെൻ മാക്സ്വെല്ലും ശരിയായ ക്രിക്കറ്റ് ഷോട്ടുകൾ കളിക്കുന്നു, അതേസമയം റിങ്കുവും റസ്സലും തങ്ങളുടെ റൺസ് നേടുന്നതിന് അസാധാരണമായ സ്ട്രോക്കുകളെ ആശ്രയിക്കുന്നു,” ഗവാസ്കർ പറഞ്ഞു. അതേസമയം പതിനേഴാം സീസണിൽ ഏറ്റവും കൂടുതൽ റൺ നേടിയ പട്ടികയിൽ കോഹ്ലി മുന്നിൽ ഉണ്ടെങ്കിലും അദ്ദേഹം ഇതുവരെ ഗ്ലെൻ മാക്സ്വെല്ലിനൊപ്പം കൂട്ടുകെട്ട് ഉണ്ടാക്കിയിട്ടില്ല . മറുവശത്ത്, മറ്റ് ബാറ്റർമാരുടെ മിന്നുന്ന പ്രകടനം കാരണം റിങ്കുവിനും റസ്സലിനും രണ്ട് മത്സരങ്ങളിൽ ഒരുമിച്ച് ധാരാളം പന്തുകൾ നേരിടാൻ അവസരം നൽകിയിട്ടില്ല.