യുവതാരങ്ങളെ എംഎസ് ധോണിയുമായി താരതമ്യം ചെയ്തു പറയുന്ന ശീലം മുന്‍ താരങ്ങള്‍ക്കുണ്ട്. ഇംഗ്ലണ്ടിനെതിരായ ടെസ്റ്റ് പരമ്പരയിലെ തകര്‍പ്പന്‍ അരങ്ങേറ്റത്തിന് ശേഷം ധ്രുവ് ജൂറലിനെ അടുത്ത ധോണിയെന്ന് സുനില്‍ ഗവാസ്‌കര്‍ പ്രശംസിച്ചു. സഞ്ജയ് മഞ്ജരേക്കര്‍ റിയാന്‍ പരാഗിനെയാണ് എംഎസ്ഡിയുമായി താരതമ്യം ചെയ്തു.
ഞങ്ങളുടെ വാര്‍ത്തകള്‍ വാട്ട്സ്ആപ്പില്‍ ലഭിക്കാന്‍ ഇവിടെ ക്ലിക്ക് ചെയ്യുക…
ഇപ്പോഴിതാ ഈ ചര്‍ച്ചകളിലേക്ക് പുതിയ പേര് ചേര്‍ത്തിരിക്കുകയാണ് മുന്‍ താരം നവജ്യോത് സിംഗ് സിദ്ദു. ധോണിയും കെകെആര്‍ ബാറ്റിംഗ് താരം റിങ്കു സിംഗും തമ്മില്‍ സാമ്യമുണ്ടെന്നാണ് സിദ്ദുവിന്റ കണ്ടെത്തല്‍. ധോണിയെ പോലെ റിങ്കുവും ഒരു മാച്ച് വിന്നറാണെന്ന് സിദ്ദു പറഞ്ഞു.
എനിക്ക് റിങ്കു സിംഗിനെ ഒരുപാട് ഇഷ്ടമാണ്. എംഎസ് ധോണിയെപ്പോലെ അദ്ദേഹം കളികള്‍ പൂര്‍ത്തിയാക്കുന്നു. സമ്മര്‍ദ്ദത്തിന് കീഴ്‌വഴങ്ങാന്‍ റിങ്കു അനുവദിച്ചില്ല. വെല്ലുവിളി നിറഞ്ഞ സാഹചര്യങ്ങളില്‍ കൊല്‍ക്കത്തയ്ക്കായി നിരവധി മത്സരങ്ങള്‍ അദ്ദേഹം വിജയിച്ചിട്ടുണ്ട്. റിങ്കു ഇന്ത്യയുടെ മാച്ച് വിന്നറാണ്- നവജ്യോത് സിംഗ് സിദ്ദു പറഞ്ഞു.
റിങ്കു, ജൂറല്‍, പരാഗ് എന്നിവരാണ് ഇന്ത്യന്‍ ടീമിന്റെ ഭാവി താരങ്ങള്‍. റിങ്കു മെന്‍ ഇന്‍ ബ്ലൂ ടീമിനായി ഏകദിന, ടി20 മത്സരങ്ങള്‍ കളിച്ചിട്ടുണ്ട്. അതേസമയം ധ്രുവ് ടെസ്റ്റ് ക്രിക്കറ്റില്‍ ഇന്ത്യയെ പ്രതിനിധീകരിച്ചിട്ടുണ്ട്. പരാഗിന് ഉടന്‍ തന്നെ ഇന്ത്യന്‍ ക്യാപ്പ് ലഭിച്ചേക്കും.
ഞങ്ങളുടെ വാര്‍ത്തകള്‍ വാട്ട്സ്ആപ്പില്‍ ലഭിക്കാന്‍ ഇവിടെ ക്ലിക്ക് ചെയ്യുക…
