ഐപിഎലില് ചെന്നൈ സൂപ്പര് കിംഗ്സിന്റെ നായകസ്ഥാനം എംഎസ് ധോണി ഒഴിഞ്ഞത് ആരാധകര്ക്ക തികച്ചും അപ്രതീക്ഷിതമായ വാര്ത്തയായിരുന്നു. ടൂര്ണമെന്റിന്റെ 17ാം സീസണ് ആരംഭിക്കാന് ഒരു മാത്രം ബാക്കി നില്ക്കെയാണ് ആരാധകരെ ഞെട്ടിച്ച് ഈ വാര്ത്ത പുറത്തുവന്നത്. യുവതാരവും ടീമിന്റെ ഓപ്പണറുമായ ഋതുരാജ് ഗെയ്ക്വാദാണ് ചെന്നൈയുടെ പുതിയ നായകന്. ഇപ്പോഴിതാ ധോണിയുടെ സിഎസ്കെയിലെ പുതിയ റോളിനെക്കുറിച്ച് വെളിപ്പെടുത്തിയിരിക്കുകയാണ് സിഎസ്കെ സിഇഒ കാശി വിശ്വനാഥന്.
എംഎസ് ധോണിയും പരിശീലകന് സ്റ്റീഫന് ഫ്ളമിംഗും ഋതുരാജ് ഗെയ്ക്വാദും തമ്മില് സംസാരിച്ചിരുന്നു. ധോണി നായകസ്ഥാനം ഒഴിയുന്ന വിവരം ക്യാപ്റ്റന്റെ മീറ്റിംഗിലാണ് ഞാന് അറിയുന്നത്. ഇക്കാര്യങ്ങള് ഞങ്ങള് അവര്ക്ക് വിട്ടിരിക്കുന്നതാണ്. അനാവശ്യമായി ഇക്കാര്യത്തില് ഇടപെടാറില്ല. ഇത്തരമൊരു തീരുമാനം പെട്ടെന്ന് എടുത്തത് എന്തുകൊണ്ടാണെന്ന് അദ്ദേഹത്തിന് മാത്രം പറയാന് സാധിക്കുന്നതാണ്.
ധോണി ഋതുവും ഫ്ളമിംഗുമായി ഇത് സംബന്ധിച്ച് ചര്ച്ച നടത്തിയിരുന്നു. ഇത്തവണത്തെ ധോണിയുടെ പുതിയ റോള് ഋതുരാജിന് വെളിച്ചം കാട്ടുകയെന്നതാണ്. വിക്കറ്റ് കീപ്പര് ബാറ്ററായി ഇത്തവണയും അദ്ദേഹം ടീമിനൊപ്പം തുടരും. ടീമിന്റെ ഏറ്റവും പ്രധാനപ്പെട്ട താല്പര്യവും ഇതാണ്. ധോണി നെറ്റ്സില് മികച്ച രീതിയിലാണ് പരിശീലനം നടത്തുന്നത്- കാശി വിശ്വനാഥ് പറഞ്ഞു.
Read more
ഈ സീസണില് കൂടി ധോണി നായകസ്ഥാനത്തു തുടരുമെന്നാണ് പ്രതീക്ഷിക്കപ്പെട്ടത്. ഇന്ത്യന് ക്രിക്കറ്റിലെ എക്കാലത്തെയും മികച്ച നായകരിലൊരാളായ എംഎസ് ധോണി സിഎസ്കെയെ അഞ്ച് തവണ കിരീടത്തിലേക്ക് നയിച്ച നായകനാണ്. ചെന്നൈ സൂപ്പര് കിങ്സ് എന്ന് കേള്ക്കുമ്പോള് തന്നെ മഞ്ഞക്കുപ്പായത്തില് കളത്തിലിറങ്ങുന്ന ധോണിയുടെ രൂപമാകും ഐപിഎല് ആരാധകരുടെ മനസിലെത്തുക. ചെന്നൈ എന്നാല് ധോണി തന്നെയാണ് എന്നും പറയാം.