ചെന്നൈ സൂപ്പർ കിങ്സ് ഈ സീസൺ ഇന്ത്യൻ പ്രീമിയർ ലീഗിൽ മികച്ച പ്രകടനമാണ് നടത്തുന്നത്. നാല് വിജയങ്ങളുമായി പോയിന്റ് പട്ടികയിൽ മൂന്നാമത്തെ സ്ഥാനത്താണ് നിലവിൽ ടീം നിൽക്കുന്നത്. ബാറ്റിംഗിലും ബോളിങ്ങിലും ഫീൽഡിങ്ങും എല്ലാം സംതുലിതമായ പ്രകടനമാണ് ടീം നടത്തുന്നത്. തുടർ ജയങ്ങൾക്കിടയിൽ ചെന്നൈ ആരാധകർക്ക് ഏറെ വിഷമം ഉണ്ടാക്കുന്ന ഒരു വാർത്തയാണ് ഇപ്പോൾ പുറത്ത് വന്നിരിക്കുന്നത്.
ചെന്നൈയുടെ സൂപ്പർ പേസർ മുസ്തഫിസുർ റഹ്മാൻ മെയ് 1 നു ശേഷം നടക്കുന്ന മത്സരങ്ങളിൽ കളിക്കില്ല എന്നതാണ് അവരെ തളർത്തുന്ന കാര്യം. ചെന്നൈ നിരയിൽ ഏറ്റവും പരിചയസമ്പത്തുള്ള ബോളർ എന്ന നിലയിൽ ബോളിങ് ഡിപ്പാർട്മെന്റിന്റെ ലീഡർ കൂടി ആയിരുന്നു ബംഗ്ലാദേശ് ആരാധകരുടെ സ്വന്തം ഫിസ് എന്നറിയപ്പെടുന്ന താരം.
വിക്കറ്റ് എടുക്കാനുള്ള മികവും കൗശല ബോളിങ്ങും കൊണ്ട് ചെന്നൈ വിജയങ്ങളിൽ നിർണായക പങ്ക് വഹിച്ച താരം മെയ് 3 മുതൽ സിംബാബ്വെക്ക് എതിരെ നടക്കുന്ന ബംഗ്ലാദേശിന്റെ പരമ്പര കളിക്കാൻ പോകണത്തിലാണ് ടൂർണമെന്റിൽ ശേഷിച്ച മത്സരങ്ങൾ കളിക്കാതെ മടങ്ങുന്നത്. താരം പോയാൽ അത്രത്തോളം പരിചയസമ്പത്തുള്ള മറ്റൊരു ബോളറെ കണ്ടുപിടിക്കുക ചെന്നൈക്ക് ബുദ്ധിമുട്ടുള്ള കാര്യമായിരിക്കുമെന്നുറപ്പാണ്.
Read more
വെള്ളിയാഴ്ച ലക്നൗ സൂപ്പർ ജയന്റ്സിനെയാണ് ചെന്നൈ തങ്ങളുടെ അടുത്ത മത്സരത്തിൽ നേരിടാൻ പോകുന്നത്.