ഐ.പി.എല്‍ 14ാം സീസണില്‍ ഏറെ അത്ഭുതപ്പെടുത്തിയ യുവതാരം രാജയസ്ഥാന്‍ റോയല്‍സിന്റെ ഇടം കൈയന്‍ പേസറായ ചേതന്‍ സാകരിയയാണെന്ന് ഇന്ത്യന്‍ മുന്‍ താരം ആകാശ് ചോപ്ര. ഏറെ കഴിവുള്ള താരമാണ് ചേതനെന്നും വൈകാതെ അവന് ഇന്ത്യന്‍ ടീമില്‍ ഇടംനേടുമെന്നും ചോപ്ര പറഞ്ഞു.
“അയാള്‍ ഞങ്ങളെയെല്ലാം ഏറെ അത്ഭുതപ്പെടുത്തി. അരങ്ങേറ്റത്തില്‍ തന്നെ ബോളിംഗ് പ്രകടനം കൊണ്ടും കളിയോടുള്ള അടങ്ങാത്ത സമീപനം കൊണ്ടും ചേതന്‍ എല്ലാ മത്സരങ്ങളിലും ക്രിക്കറ്റ് പ്രേമികള്‍ ഏറെ മതിപ്പുളവാക്കിയിരുന്നു.”
“പന്ത് ഒരേസമയം അകത്തേക്കും പുറത്തേത്തും സ്വിംഗ് ചെയ്യിക്കാന്‍ അവന് കഴിയും . കൂടാതെ ആദ്യ ഐ.പി.എല്‍ എന്ന യാതൊരു ഭയവും അവന്റെ ബോളിംഗില്‍ കണ്ടില്ല .അവന് ഭാവിയില്‍ ഇന്ത്യന്‍ ടീമില്‍ ഇടം നേടും” ചോപ്ര പറഞ്ഞു.
Read more
20 ലക്ഷം അടിസ്ഥാന വിലയുണ്ടായിരുന്ന ചേതനെ 1.2 കോടി രൂപയ്ക്കാണ് രാജസ്ഥാന്‍ സ്വന്തമാക്കിയത്. രാജസ്ഥാന്‍ റോയല്‍സിനായി ഈ സീസണില്‍ ഏഴ് മത്സരങ്ങള്‍ കളിച്ച ചേതന്‍ ഏഴു വിക്കറ്റും താരം വീഴ്ത്തി.
