ബാംഗ്ലൂര് റോയല് ചാലഞ്ചേഴ്സിനെ കുറിച്ച് പൊതുവേ ആര്ക്കും അത്ര പോസിറ്റീവ് അഭിപ്രായമല്ല ഉള്ളതെന്ന് നായകന് വിരാട് കോഹ്ലി. കൊല്ക്കത്തയ്ക്കെതിരായ മിന്നും ജയത്തിനു ശേഷം സംസാരിക്കുകയായിരുന്നു കോഹ്ലി. തനിക്കു ഈ ടീമില് നല്ല വിശ്വാസമുണ്ടെന്നും, സഹതാരങ്ങള്ക്കും അങ്ങനെ തന്നെയാണെന്നും കോഹ്ലി പറഞ്ഞു.
“ഞങ്ങള്ക്കൊരു പ്ലാന് എയുണ്ട്, പ്ലാന് ബിയുണ്ട്. താരങ്ങള് അതു നടപ്പാക്കുകയും ചെയ്യുന്നു. അതുകൊണ്ടാണു ബാംഗ്ലൂര് ടീം ഇപ്പോള് മികച്ചു നില്ക്കുന്നത്. പൊതുവായുള്ള ചിന്തകള് നോക്കിയാല്, ഒരുപാടു പേര്ക്കൊന്നും റോയല് ചാലഞ്ചേഴ്സില് അത്ര വിശ്വാസമുണ്ടെന്നൊന്നും ഞാന് കരുതുന്നില്ല. എന്നാല് എനിക്കു വിശ്വാസമുണ്ട്, എന്റെ സഹതാരങ്ങള്ക്കുമുണ്ട്.”
“കൃത്യമായി ആസൂത്രണങ്ങള് നടപ്പിലാക്കാനാണു ഞങ്ങള് ഇവിടെയെത്തിയത്. ഞങ്ങള്ക്കു കഴിവുകളുണ്ട്. ലോകത്തെ ഏറ്റവും മികച്ച താരങ്ങളുണ്ടായിട്ടും സ്വയം വിശ്വാസം ഇല്ലെങ്കില് നമുക്കു വിജയിക്കാന് സാധിക്കില്ല” കോഹ്ലി പറഞ്ഞു.
Read more
ബുധനാഴ്ച നടന്ന മത്സരത്തില് കൊല്ക്കത്തയെ എട്ടു വിക്കറ്റിനാണ് ബാംഗ്ലൂര് തകര്ത്തു വിട്ടത്. ഇതോടെ പോയിന്റ് പട്ടികയില് ഡല്ഹിയ്ക്ക് പിന്നിലായി രണ്ടാം സ്ഥാനത്തേക്ക് ബാംഗ്ലൂര് ഉയര്ന്നു. ഒടുവില് കളിച്ച അഞ്ച് മത്സരങ്ങളില് നാലിലും ജയിച്ചാണു ബാംഗ്ലൂര് രണ്ടാമതെത്തിയത്.