സിംബാബ്വെയ്ക്കെതിരായ മൂന്ന് മത്സരങ്ങളുടെ ഏകദിന പരമ്പരയിലെ അവസാന മത്സരത്തില് ടോസ് നേടിയ ഇന്ത്യന് നായകന് കെഎല് രാഹുല് ബാറ്റിംഗ് തിരഞ്ഞെടുത്തു. ആദ്യ രണ്ട് മത്സരങ്ങളും ജയിച്ച ഇന്ത്യ പരമ്പര ഇതിനോടകം സ്വന്തമാക്കി കഴിഞ്ഞു. അവസാന മത്സരവും ജയിച്ച് വൈറ്റ് വാഷാണ് ഇന്ത്യ ലക്ഷ്യം വയ്ക്കുന്നത്.
പരമ്പര ഇതിനോടകം ഉറപ്പിച്ച സാഹചര്യത്തില് ടീമില് രണ്ട് മാറ്റങ്ങള് വരുത്തിയാണ് ഇന്ത്യ ഇറങ്ങുന്നത്. ദീപക് ചഹാറും ആവേഷ് ഖാനും ടീമില് ഇടംപിടിച്ചപ്പോല് മുഹമ്മദ് സിറാജിനും പ്രസിദ്ധ് കൃഷ്ണയ്ക്കും ഇന്ത്യ വിശ്രമം അനുവദിച്ചു. എന്നാല് മറ്റ് സാഹസികതക്കൊന്നും മുതിരാന് ഇന്ത്യ തയ്യാറായില്ല.
ഇന്ത്യന് ടീം: ശിഖര് ധവാന്, കെ എല് രാഹുല്, ശുഭ്മാന് ഗില്, ഇഷാന് കിഷന്, ദീപക് ഹൂഡ, സഞ്ജു സാംസണ്, അക്സര് പട്ടേല്, ശര്ദുല് താക്കൂര്, ദീപക് ചാഹര്, കുല്ദീപ് യാദവ്, അവേഷ് ഖാന്.
Read more
സിംബാബ്വെ ടീം: തകുദ്സ്വനാഷെ കൈറ്റാനോ, ഇന്നസെന്റ് കൈയ, ടോണി മുന്യോംഗ, റെജിസ് ചകബ്വ, സിക്കന്ദര് റാസ, സീന് വില്യംസ്, റയാന് ബര്ള്, ലൂക്ക് ജോങ്വെ, ബ്രാഡ് ഇവാന്സ്, വിക്ടര് ന്യൗച്ചി, റിച്ചാര്ഡ് നഗാരവ.