ഇംഗ്ലണ്ടിനെതിരായ ടി20 പരമ്പയില്‍ നിന്ന് യുവ സ്പിന്നര്‍ വരുണ്‍ ചക്രവര്‍ത്തി പുറത്ത്. ഫിറ്റ്‌നസ് ടെസ്റ്റില്‍ വീണ്ടും പരാജയപ്പെട്ടതോടെയാണ് വരുണ്‍ ചക്രവര്‍ത്തി ടീമില്‍ നിന്ന് പുറത്തായത്. യോ- യോ ടെസ്റ്റില്‍ രണ്ടുപ്രാവശ്യമെങ്കിലും 2 കിലോ മീറ്റര്‍ ദൂരം ഓടി പൂര്‍ത്തിയാക്കണമെന്ന കടമ്പ താരത്തിന് മറികടക്കാനായില്ല.
ഇന്ത്യയുടെ പുതിയ ഫിറ്റ്‌നസ് ചട്ടം താരങ്ങള്‍ക്ക് വലിയ വെല്ലുവിളിയാണ്. 2 കിലോമീറ്റര്‍ 8.5 മിനുട്ടില്‍ ഓടിത്തീര്‍ക്കണം. യോയോ ടെസ്റ്റില്‍ 17.1 എങ്കിലും സ്‌കോര്‍ നേടണം. അല്ലാത്ത പക്ഷം താരങ്ങള്‍ക്ക് ടീമില്‍ അവസരം ലഭിക്കില്ല. പരിക്കിനെത്തുടര്‍ന്ന് മൂന്ന് മാസത്തിലേറെയായി വരുണ്‍ വിശ്രമത്തിലായിരുന്നു.
ഓസ്‌ട്രേലിയക്കെതിരായ ടി20 പരമ്പര പരിക്കിനെ തുടര്‍ന്ന് വരുണിന് നഷ്ടമായിരുന്നു. തോളിനേറ്റ പരിക്കായിരുന്നു താരത്തിന് തിരിച്ചടിയായത്. നാഷണല്‍ ക്രിക്കറ്റ് അക്കാദമിയില്‍ ഫിറ്റ്‌നസ് വീണ്ടെടുക്കുന്നതിനായി വരുണ്‍ മൂന്നു മാസത്തോളമായി പരിശീലനത്തിലായിരുന്നു.
Read more
വിജയ് ഹസാരെ ട്രോഫിയില്‍ തമിഴ്‌നാടിനുവേണ്ടി വരുണ്‍ ഇറങ്ങിയിരുന്നില്ല.സയ്യിദ് മുഷ്താഖ് അലി ടി20 ടൂര്‍ണമെന്റിലും വരുണിനെ തമിഴ്‌നാട് ഉള്‍പ്പെടുത്തിയിരുന്നില്ല. മാര്‍ച്ച് 12,14,16,18,20 തിയതികളിലാണ് ഇംഗ്ലണ്ടിനെതിരായ ടി20 മത്സരങ്ങള്‍.
