മൊട്ടേരയിലെ നരേന്ദ്ര മോദി സ്റ്റേഡിയത്തില് നടന്ന നാലാം ടെസ്റ്റില് ദയനീയ തോല്വി വഴങ്ങി ഇന്ത്യയ്ക്ക് മുന്നില് പരമ്പര അടിയറവുവെച്ച ഇംഗ്ലണ്ടിനെ ട്രോളി വീരേന്ദര് സെവാഗ്. “ഇംഗ്ലണ്ട് അഹമ്മദാബാദിലല്ല മറിച്ച് ഇവിടെയാണ് തോറ്റത്” എന്ന് തലച്ചേറിന്റെ ചിത്രം പങ്കുവെച്ച് സെവാഗ് ട്വീറ്റ് ചെയ്തു.
ഇംഗ്ലണ്ട് ബുദ്ധിയും ബോധവുമില്ലാതെ കളിച്ചതുകൊണ്ടാണ് തോല്വി പിണഞ്ഞതെന്നാണ് സെവാഗ് സരസമായി പറഞ്ഞ് വെച്ചത്. ലോക ടെസ്റ്റ് ചാമ്പ്യന്ഷിപ്പ് ഫൈനലില് ന്യൂസിലന്ഡിനെ നേരിടാനൊരുങ്ങുന്ന ഇന്ത്യന് ടീമിന് സെവാഗ് ആശംസയും നേര്ന്നു.
Congratulations Team India on an awesome Test Series victory.
England didn”t lose it in Ahmedabad.
They lost it here .#INDvsENG pic.twitter.com/NXb1AxCHen— Virender Sehwag (@virendersehwag) March 6, 2021
മൊട്ടേരയിലെ നരേന്ദ്ര മോദി സ്റ്റേഡിയത്തില് നടന്ന നാലാമത്തെയും അവസാനത്തെയും ടെസ്റ്റില് ഇന്നിംഗ്സിനും 25 റണ്സിനുമാണ് ഇംഗ്ലണ്ട് പരാജയപ്പെട്ടത്.. ഇതോടെ നാല് മത്സരങ്ങളടങ്ങിയ പരമ്പര 3-1ന് ഇന്ത്യ സ്വന്തമാക്കുകയും ചെയ്തു.
Read more
ഒന്നാം ഇന്നിംഗ്സില് 160 റണ്സിന്റെ ലീഡ് വഴങ്ങി രണ്ടാം ഇന്നിംഗ്സില് ബാറ്റിംഗിനിറങ്ങിയ ഇംഗ്ലണ്ട് 135 റണ്സിന് ഓള്ഔട്ടാവുകയായിരുന്നു. അഞ്ചു വിക്കറ്റുകള് വീതം വീഴ്ത്തിയ അശ്വിനും അക്സര് പട്ടേലുമാണ് ഇംഗ്ലണ്ടിന്റെ അന്തകരായത്.