മൂന്നാം ടെസ്റ്റിന് മുമ്പായി ഇന്ത്യന്‍ നായകന്‍ വിരാട് കോഹ് ലി വാര്‍ത്ത സമ്മേളനത്തില്‍ പറഞ്ഞ ഒരു കാര്യം ഏറെ ശ്രദ്ധിക്കപ്പെട്ടിരുന്നു. ഇംഗ്ലീഷ് സാഹചര്യങ്ങളില്‍ ബാറ്റ്സ്മാനെന്ന നിലയില്‍ തിളങ്ങണമെങ്കില്‍ സ്വന്തം ഈഗോ പോക്കറ്റിലിട്ട് ഇറങ്ങണമെന്നായിരുന്നു കോഹ് ലിയുടെ വാക്കുകള്‍. ഇപ്പോഴിതാ ആ കമന്റ് താരത്തിന് തന്നെ തിരിച്ചടിയായിരിക്കുകയാണ്. ഇപ്പറഞ്ഞത് കോഹ് ലിയ്ക്കും ബാധകമാണെന്ന് ഇന്ത്യന്‍ മുന്‍ സ്പിന്നര്‍ മനീന്ദര്‍ സിംഗ് പറഞ്ഞു.
‘ലീഡ്സിലെ ടെസ്റ്റിനു മുമ്പ് കോഹ്‌ലി പറഞ്ഞത് ഇംഗ്ലീഷ് സാഹചര്യങ്ങളില്‍ ഈഗോ നിങ്ങളുടെ പോക്കറ്റില്‍ വയ്ക്കണമെന്നായിരുന്നു. അതു ശരിയാണ്. ഇന്ത്യയിലേതു പോലത്തെ ഫ്ളാറ്റ് പിച്ചുകളല്ല ഇംഗ്ലണ്ടിലേത്. ക്രീസിലെത്തിയ ഉടന്‍ ഡ്രൈവ് കളിക്കുകയൊന്നും ഇവിടെ കഴിയില്ല. പക്ഷെ കോഹ്‌ലി ഇപ്പോള്‍ അതാണ് ചെയ്തു കൊണ്ടിരിക്കുന്നത്. കോഹ്‌ലി ഇനിയും പരിശീലനം നടത്തണം, ഒപ്പം അവംഭാവം നിങ്ങളുടെ പോക്കറ്റില്‍ വയ്ക്കുകയും വേണം.’
Read more
‘സാധാരണത്തേതു പോലെ ബോളര്‍മാര്‍ക്കു മേല്‍ ആധിപത്യം സ്ഥാപിച്ച് റണ്ണെടുക്കുകയെന്ന കോഹ്‌ലിയുടെ ശൈലി ഇവിടെ എളുപ്പമല്ല. ഇവിടുത്തെ പിച്ചില്‍ അതു സാധ്യമല്ല. കുറച്ചു സമയം ക്രീസില്‍ ചെലവഴിച്ച ശേഷം ഷോട്ടുകള്‍ക്കു ശ്രമിക്കുകയാണ് ഇവിടെ ചെയ്യേണ്ടത്. 2018ലെ കഴിഞ്ഞ പര്യടനത്തില്‍ കോഹ്‌ലി ചെയ്തതും ഇതായിരുന്നു. അന്നു 600നടുത്ത് റണ്‍സ് അടിച്ചെടുക്കാനും അദ്ദേഹത്തിനു സാധിച്ചു. പേസും ബോളിന്റെ സീമും മനസ്സിലാക്കിയെടുത്താല്‍ പിന്നീട് ഷോട്ടുകള്‍ കളിക്കാന്‍ കഴിയും’ മനീന്ദര്‍ പറഞ്ഞു.
