ഇന്ത്യന്‍ ടീമിന് മുന്നറിയിപ്പ് നല്‍കി ബംഗ്ലാദേശ് ക്രിക്കറ്റ് ബോര്‍ഡ് ഡയറക്ടര്‍ അക്രം ഖാന്‍. വലിയ താരനിരയുമായിട്ടാണ് ഇന്ത്യന്‍ ടീം വരുന്നതെങ്കിലും തങ്ങളുടെ നാട്ടില്‍ തങ്ങളെ തോല്‍പ്പിക്കാമെന്ന് ഇന്ത്യ കരുതേണ്ടെന്ന് അദ്ദേഹം പറഞ്ഞു.
ഇന്ത്യ വളരെ മികച്ച ടീമാണ്. പക്ഷെ ഞങ്ങള്‍ക്കു നാട്ടില്‍ കല്‍ക്കുന്നതിന്റെ ആനുകൂല്യമുണ്ട്. ഞങ്ങളുടെ താരങ്ങള്‍ക്കു ഇവിടെ നല്ല ബാക്ക്ഗ്രൗണ്ടാണുള്ളത്. കളിക്കാരെ ഞങ്ങള്‍ നന്നായി പ്രയോജനപ്പെടുത്തുകയും അവര്‍ പ്രതീക്ഷിക്കുന്നത് നല്‍കുകയും ചെയ്താല്‍ ഇന്ത്യയെ പരാജയപ്പെടുത്താന്‍ സാധിക്കും.
ഇതിനു മുമ്പ് ഇന്ത്യ, പാകിസ്താന്‍, ദക്ഷിണാഫ്രിക്ക എന്നിവര്‍ക്കെതിരേയെല്ലാം ഞങ്ങള്‍ പരമ്പര വിജയം നേടിയിട്ടുണ്ട്. മൂന്നു ഫോര്‍മാറ്റുകളുമെടുത്താല്‍ ടെസ്റ്റ്, ടി20 എന്നിവയേക്കാള്‍ ഞങ്ങള്‍ ശ്രദ്ധേയമായ പ്രകടനങ്ങള്‍ കാഴ്ചവച്ചിട്ടുള്ളത് ഏകദിനത്തിലാണ്. ഇന്ത്യക്കെതിരെ ഇത്തവണയും നല്ല പോരാട്ടം പുറത്തെടുക്കാന്‍ സാധിക്കുമെന്ന പ്രതീക്ഷയിലാണ് തങ്ങളെന്നും അക്രം ഖാന്‍ വ്യക്തമാക്കി.
Read more
ഏഴു വര്‍ഷം നീണ്ട ഇടവേളയ്ക്കു ശേഷമാണ് ഇന്ത്യന്‍ ടീം ബംഗ്ലാദേശ് പര്യടനത്തിന് എത്തിയിരിക്കുന്നത്. അവസാന പര്യടനത്തിലെ ഏകദിന പരമ്പരയില്‍ ബംഗ്ലാദേശ് ഇന്ത്യയെ 2-1നു അട്ടിമറിച്ചിരുന്നു.
