രാജസ്ഥാൻ റോയൽസിന് വേണ്ടി തകർപ്പൻ പ്രകടനമാണ് യുവ താരം വൈഭവ് സൂര്യവൻഷി നടത്തുന്നത്. മുംബൈക്കെതിരെ നടന്ന മത്സരത്തിലും മികച്ച ബാറ്റിംഗാണ് താരം നടത്തിയത്. മഴ മൂലം 11 ഓവറാക്കി ചുരുക്കിയ മത്സരത്തിൽ 150 റൺസാണ് രാജസ്ഥാൻ അടിച്ചെടുത്തത്. 14 പന്തിൽ അഞ്ച് സിക്സറും ഒരു ഫോറുകളും അടക്കം 278 സ്ട്രൈക്ക് റേറ്റിൽ 39 റൺസ് നേടി വൈഭവ് കളം നിറഞ്ഞു.
ആരാധകർ ഒന്നടങ്കം കാത്തിരുന്നത് ബുംറ വൈഭവ് പോരാട്ടം കാണാനാണ്. മത്സരത്തിലെ ബുംറയുടെ ആദ്യ പന്ത് തന്നെ വൈഭവ് ഗാലറിയിൽ എത്തിച്ചു. ആ ഓവറിൽ രണ്ട് തകർപ്പൻ സിക്സ് ആണ് വൈഭവ് ബുംറയ്ക്ക് നേരെ അടിച്ചത്. ഇതോടെ വൈഭവിലുള്ള ഇന്ത്യൻ ആരാധകരുടെ പ്രതീക്ഷ വർധിച്ചു. ഇപ്പോഴിതാ വൈഭവിന്റെ മികവിനെ വാനോളം പുകഴ്ത്തി സംസാരിച്ചിരിക്കുകയാണ് മുൻ ദക്ഷിണാഫ്രിക്കന് ബാറ്റിംഗ് ഇതിഹാസം ഗ്രെയിം സ്മിത്ത്. സ്മിത്ത് വൈഭവിനെ ‘യഥാര്ത്ഥ സൂപ്പര്താരം’ എന്നാണ് വിശേഷിപ്പിച്ചത്.
Read more
‘രോഹിത് ശര്മ്മയെയും വിരാട് കോഹ്ലി പോലുള്ള സീനിയര് താരങ്ങളുടെ പ്രകടനം കാണുന്നത് എപ്പോഴും താല്പ്പര്യമുള്ള കാര്യമാണ്. എന്നാല് ഈ സീസണിന്റെ ആദ്യ ആഴ്ചകളില് ശ്രദ്ധിക്കേണ്ട താരം രാജസ്ഥാന് റോയല്സിന്റെ വൈഭവ് സൂര്യവന്ഷിയാണ്. ആദ്യ പന്ത് മുതല് പവര് ഹിറ്റിംഗ് നടത്താനുള്ള അദ്ദേഹത്തിന്റെ കഴിവ് അതിശയിപ്പിക്കുന്നതാണ്. ഈ ടൂര്ണമെന്റ് കഴിയുമ്പോഴേക്ക് അവന് ഒരു വലിയ സൂപ്പര്താരമായി മാറും.’ സ്മിത്ത് പറഞ്ഞു.
