ഇന്ത്യൻ പ്രീമിയർ ലീഗിൽ എംഎസ് ധോണി ഇപ്പോഴും ഏറ്റവും വലിയ ബ്രാൻഡാണ്. ഇന്ത്യൻ പ്രീമിയർ ലീഗിന്റെ തുടക്ക സീസൺ മുതൽ കളിക്കുന്ന ധോണി ഇപ്പോഴും പഴയ മികവിൽ തന്നെയാണ് തുടരുന്നത്. എന്നാൽ ഇപ്പോൾ ആരാധകർ ചോദിക്കുന്നത് അദ്ദേഹം എപ്പോൾ വിരമിക്കുമെന്നാണ് . എല്ലാ സീസണിൻ്റെയും തുടക്കത്തിലും അവസാനത്തിലും ഈ ചോദ്യം ആരാധകർ അദ്ദേഹത്തോട് ചോദിക്കുന്നു. എന്നാൽ അങ്ങനെ ഒരു പ്രതികരണം ധോണി ഇതുവരെ നടത്തിയിട്ടില്ല.
ഐപിഎൽ 2024 മാർച്ച് 22 ന് ആരംഭിക്കാനിരിക്കെ, ചെന്നൈ സൂപ്പർ കിംഗ്‌സ് ക്യാപ്റ്റൻ വീണ്ടും അതേ ചോദ്യം നേരിടുകയാണ്. കഴിഞ്ഞ സീസണിൽ അദ്ദേഹം ഫ്രാഞ്ചൈസിയെ അതിൻ്റെ അഞ്ചാം കിരീടത്തിലേക്ക് നയിച്ചു. ആ സീസണിന് ശേഷം അദ്ദേഹം വിരമിക്കുമെന്നാണ് ആരാധകർ കരുതിയത്.
2023-ൽ കാൽമുട്ടിനേറ്റ പരുക്കുമായി അദ്ദേഹം സീസൺ മുഴുവൻ കളിച്ചു. പലരും ആ സീസൺ മാത്രമേ ധോണി കളിക്കു എന്നാണ് കരുതിയത്. അദ്ദേഹത്തിൻ്റെ സിഎസ്‌കെ സഹതാരം ദീപക് ചാഹർ മഹിയുടെ ഭാവിയെക്കുറിച്ച് വലിയ പ്രസ്താവന നടത്തി. എന്തായാലും ധോണി 2 വർഷങ്ങൾക്ക് ശേഷം മാത്രമേ വിരമിക്കു എന്നാണ് അദ്ദേഹം പറഞ്ഞത്.
“ടി20 ക്രിക്കറ്റിൽ 140 കിലോമീറ്റർ ഡെലിവറി നേരിടാൻ പറ്റാത്ത ദിവസം നിങ്ങൾ വിരമിക്കണം. കഴിഞ്ഞ വർഷം ലീഗിലെ ഏറ്റവും വേഗതയേറിയ ബൗളർമാരെ അദ്ദേഹം എങ്ങനെ കളിച്ചുവെന്ന് നോക്കൂ. നെറ്റ്‌സിലും ഫാസ്റ്റ് ബൗളർമാരെ സിക്‌സുകൾക്ക് അദ്ദേഹം അടിച്ചു,” ദീപക് ചാഹർ പറഞ്ഞു.
“അദ്ദേഹം വരാനിരിക്കുന്ന സീസണിൽ ശ്രദ്ധ കേന്ദ്രീകരിക്കുന്നു. അദ്ദേഹത്തിന് രണ്ട് വർഷം കൂടി തുടരാനാകുമെന്ന് ഞാൻ കരുതുന്നു, ”ദീപക്ക് കൂട്ടിച്ചേർത്തു.
Read more
കഴിഞ്ഞ പതിപ്പിൽ 16 മത്സരങ്ങൾ കളിച്ച ധോണി 182.46 സ്‌ട്രൈക്ക് റേറ്റിൽ 104 റൺസ് നേടിയിരുന്നു. പരിക്കേറ്റ കാൽമുട്ടിന് വിശ്രമം നൽകുന്നതിനായി വിരലിലെണ്ണാവുന്ന ഡെലിവറികൾ മാത്രമാണ് അദ്ദേഹം നേരിട്ടത്. ഐപിഎൽ 2024ൽ തൻ്റെ ബാറ്റിംഗിനെക്കാൾ ക്യാപ്റ്റൻസിയിൽ ശ്രദ്ധ കേന്ദ്രീകരിക്കും.
