പ്രൊഫഷണൽ ക്രിക്കറ്റിലെ ഏറ്റവും ഭാരമേറിയ കളിക്കാരൻ എന്ന് പലപ്പോഴും വിളിക്കപ്പെടുന്ന റഹ്കീം കോൺവാൾ, കളിക്കളത്തിൽ വരുമ്പോഴെല്ലാം ആരാധകരുടെ ശ്രദ്ധ പിടിച്ചുപറ്റുന്ന ഒരു വ്യക്തിയാണ് താരം. കരീബിയൻ പ്രീമിയർ ലീഗ് (സിപിഎൽ) 2023 ൽ ബാർബഡോസ് റോയൽസിനായി കളിക്കുമ്പോൾ, ഇന്നിംഗ്സിന്റെ ആദ്യ പന്തിൽ തന്നെ അപകടകരമായ സിംഗിൾ എടുക്കാൻ നോക്കിയ താരം പുറത്തായി. 200-ലധികം റൺസ് എന്ന ലക്ഷ്യം പിന്തുടരുന്ന സമയത്ത് തന്റെ ടീമിന് വേഗത്തിൽ റൺസ് നേടേണ്ടതുണ്ടെന്ന് കോൺവാളിന് അറിയാമായിരുന്നു, പക്ഷേ ചേസിന്റെ തുടക്കത്തിൽ തന്നെ വിക്കറ്റുകൾക്കിടയിൽ വൻ വേഗമുണ്ടായിരുന്നില്ല. സാധാരണ ബാറ്ററുമാർ വളരെ എളുപ്പത്തിൽ ഓടിയെത്തുന്ന റൺ ആളായിരുന്നു അത്, എന്നാൽ താരത്തിന് അത് സാധിച്ചില്ല.
വെസ്റ്റ് ഇൻഡീസ് ദേശീയ ക്രിക്കറ്റ് ടീമിലെ ഓൾറൗണ്ടറായ കോൺവാൾ തന്റെ ഭാരം കാരണം ആരാധകർക്കിടയിൽ പലപ്പോഴും ചർച്ചാവിഷയമാകുന്നു. നിരവധി ക്രിക്കറ്റ് പണ്ഡിതന്മാരും മുൻ താരങ്ങളും വിദഗ്ധരും റഹ്കീമിന് പ്രധാനപ്പെട്ട ഉപദേശങ്ങൾ നൽകിയിട്ടുണ്ട് ഈ കാലയളവ് മുഴുവൻ. തന്റെ ഭാരം നന്നായി നിയന്ത്രിക്കാൻ പലരും അദ്ദേഹത്തോട് നിർദേശിച്ചിട്ടുണ്ട് . പക്ഷേ, ഓൾറൗണ്ടർ ‘ശരിയായ ഭക്ഷണം മാത്രമേ കഴിക്കുന്നുള്ളു എന്നിട്ടും ഭാരം നിയന്ത്രിക്കാൻ പറ്റുന്നില്ല എന്നും പറയുന്നു.
“എനിക്ക് എന്റെ ശരീരഘടന മാറ്റാൻ കഴിയില്ല, വളരെ ഉയരമുണ്ടെന്നോ വളരെ വലുതാണെന്നോ എനിക്ക് പറയാനാവില്ല. എല്ലാവരും ഉയരം കുറഞ്ഞവരായിരിക്കില്ല, എല്ലാവരും മെലിഞ്ഞവരാകാൻ പോകുന്നില്ല, എനിക്ക് ചെയ്യാൻ ഗ്രൗണ്ടിൽ എന്റെ കഴിവ് കാണിക്കുക എന്നത് മാത്രമാണ് .” താരം പറഞ്ഞു.
“ഞാൻ വലിയ വണ്ണം ഉള്ള ആളാണ് എന്നതിൽ സംശയമില്ല, പക്ഷേ എനിക്ക് ജോലിയിൽ ഏർപ്പെടണം. ഞാൻ അതിൽ വളരെയധികം അലസത കാണിക്കുന്നില്ല. ഞാൻ എന്റെ ഫിറ്റ്നസിനായി ധാരാളം സമയം ചെലവഴിക്കുന്നു. ശരിയായി ഭക്ഷണം കഴിക്കാൻ ശ്രമിക്കുകയാണ് ചെയ്യുന്നത് ” ESPNCricinfo-യിലെ ഒരു ചാറ്റിൽ അദ്ദേഹം പറഞ്ഞു.
Read more
സീനിയർ ലൂസിയ കിംഗ്‌സും ബാർബഡോസ് റോയൽസും തമ്മിലുള്ള മത്സരത്തിൽ 202 റൺസ് വിജയലക്ഷ്യം പിന്തുടരുമ്പോൾ കോൺവാളിന്റെ ടീമിന് 147 റൺസെടുക്കാനേ കഴിഞ്ഞുള്ളൂ. ടെസ്റ്റ് ക്രിക്കറ്റിൽ വെസ്റ്റ് ഇൻഡീസിനായി ചില അത്ഭുതകരമായ സ്പെല്ലുകൾ സൃഷ്ടിച്ച കോൺവാൾ ഗെയിമിൽ ബൗൾ ചെയ്തില്ല, ബാറ്റിൽ അദ്ദേഹത്തിന്റെ സംഭാവനയും ശൂന്യമായിരുന്നു.
