ഇന്ത്യയ്‌ക്കെതിരായി വരാനിരിക്കുന്ന ഏകദിന, ടി20 പരമ്പരകള്‍ക്ക് മുന്നോടിയായി ലൂപ്പര്‍ ഓള്‍റൗണ്ടര്‍ ഹാര്‍ദ്ദിക് പാണ്ഡ്യയെ പ്രശംസിച്ച് ന്യൂസിലാന്‍ഡ് നായകന്‍ കെയ്ന്‍ വില്യംസണ്‍. ഹാര്‍ദ്ദിക് പാണ്ഡ്യയാണ് കളിയിലെ താരമെന്നും ഏതു ടീമും ആഗ്രഹിക്കുന്ന ഒരു മാച്ച് വിന്നറാണ് ഹാര്‍ദ്ദിക്കെന്നും വില്യംസണ്‍ പറഞ്ഞു.
‘ഹാര്‍ദിക് പാണ്ഡ്യ തീര്‍ച്ചയായും കളിയിലെ സൂപ്പര്‍ താരമാണ്. ഏറ്റവും കൂടുതല്‍ ആവശ്യപ്പെടുന്ന മാച്ച് വിന്നര്‍മാരില്‍ ഒരാളാണ് അവന്‍. നേതൃത്വത്തിന്റെ കാര്യത്തില്‍ ഞാന്‍ ഒരിക്കലും ഹാര്‍ദിക്കിനൊപ്പം കളിച്ചിട്ടില്ല, അതിനാല്‍ എനിക്ക് അതിനെക്കുറിച്ച് കൂടുതല്‍ അറിയില്ലെന്നും വില്യംസണ്‍ പറഞ്ഞു. കിവീസിനെതിരായ ടി20 പരമ്പരയില്‍ ഹാര്‍ദ്ദിക് പാണ്ഡ്യയാണ് ഇന്ത്യയെ നയിക്കുന്നത്.
ന്യൂസിലന്‍ഡ് ഇന്ത്യയ്ക്കെതിരെ മൂന്ന് ഏകദിനങ്ങളും മൂന്ന് ടി20കളുമാണ് കളിക്കുന്നത്. നവംബര്‍ 18 ന് ടി20 പരമ്പരയോടെയാണ് പരമ്പര ആരംഭിക്കുന്നത്. ടി20യില്‍ ഹാര്‍ദിക് പാണ്ഡ്യ ഇന്ത്യന്‍ ടീമിനെ നയിക്കുമ്പോള്‍ മൂന്ന് മത്സരങ്ങളുടെ ഏകദിന പരമ്പരയില്‍ ശിഖര്‍ ധവാനാണ് ടീമിനെ നയിക്കുക.
Read more
ഇക്കഴിഞ്ഞ ടി20 ലോകകപ്പില്‍ സെമിയില്‍ പോരാട്ടം അവസാനിപ്പിച്ച രണ്ട് ടീമുകളാണ് ഇന്ത്യയും ന്യൂസിലാന്‍ഡും. ന്യൂസിലാന്‍ഡ് പാകിസ്ഥാനോട് പരാജയപ്പെട്ടപ്പോള്‍ ഇന്ത്യ ഇംഗ്ലണ്ടിനെതിരെ മുട്ടുമടക്കിയിരുന്നു.
