ടി20 ക്രിക്കറ്റ് ലോക കപ്പ് സൂപ്പര്‍ 12ലെ ശ്രീലങ്ക- ബംഗ്ലാദേശ് മത്സരത്തിനിടെ സംഘര്‍ഷം സൃഷ്ടിച്ച് ലിന്റണ്‍ ദാസും ലാഹിരു കുമാരയും. അമ്പയര്‍മാര്‍ ഇടപെട്ടാണ് ഇരുവരെയും പിന്തിരിപ്പിച്ചത്.
കളിയുടെ ആറാം ഓവറില്‍ കുമാരയുടെ പന്തില്‍ ദാസ് പുറത്തായതിനു പിന്നാലെയാണ് സംഭവം. വിക്കറ്റെടുത്ത കുമാര ഡഗ് ഔട്ടിലേക്ക് മടങ്ങാന്‍ ആരംഭിച്ച ലിന്റണ്‍ ദാസിന് അരികില്‍ ചെന്ന് എന്തോ രൂക്ഷമായി പറഞ്ഞു. പ്രകോപിതനായ ദാസ്, കുമാരയോട് കൊമ്പുകോര്‍ത്തു.
ഇരു ടീമിലെയും കളിക്കാര്‍ കൂട്ടംകൂടി തര്‍ക്കം തുടങ്ങിയതോടെ സ്ഥിതിഗതികള്‍ വഷളാകുമെന്ന് തോന്നി. എന്നാല്‍ പ്രശ്‌നത്തില്‍ ഇടപെട്ട അമ്പയര്‍മാര്‍ ദാസിനെയും കുമാരെയെയും കൂടുതല്‍ സംഘര്‍ഷത്തില്‍ നിന്നു പിന്തിരിപ്പിച്ചു. ലിന്റണ്‍ ദാസിനും ലാഹിരു കുമാരയ്ക്കുമെതിരെ അച്ചടക്ക നടപടിക്കുള്ള സാധ്യത നിലനില്‍ക്കുന്നുണ്ട്.
Exchange of words between Lahiru kumara & Litton das#SlvsBan pic.twitter.com/Wfy85BlveF
— RISHI (@RISHIKARTHEEK) October 24, 2021
Read more
