പാകിസ്ഥാന്‍ വനിതാ ക്രിക്കറ്റ് ടീമിലെ മൂന്നു പേര്‍ക്ക് കോവിഡ് സ്ഥിരീകരിച്ചു. പാക് ക്രിക്കറ്റ് ബോര്‍ഡ് (പിസിബി) ഇക്കാര്യം സ്ഥിരീകരിച്ചു. വെസ്റ്റിന്‍ഡീസ് വനിത ടീം പാകിസ്ഥാനില്‍ പര്യടനത്തിന് ഒരുങ്ങവെയാണ് ആതിഥേയ ടീമിലെ കളിക്കാരില്‍ ചിലര്‍ക്ക് കോവിഡ് ബാധിച്ചത്.
വെസ്റ്റിന്‍ഡീസിനെ നേരിടുന്നതിന് മുന്നോടിയായി കറാച്ചിയിലെ ക്യാമ്പിലാണ് പാക് വനിതാ ടീം. പതിവു പരിശോധനയിലാണ് മൂന്ന് കളിക്കാര്‍ക്ക് കോവിഡ് സ്ഥിരീകരിച്ചത്. താരങ്ങളുടെ പേരുകള്‍ പുറത്തുവിട്ടിട്ടില്ല. കോവിഡ് ബാധിച്ച കളിക്കാരോട് പത്തു ദിവസം ക്വാറൈന്റില്‍ പോകാന്‍ നിര്‍ദേശിച്ചിട്ടുണ്ട്. മറ്റുള്ളവര്‍ നവംബര്‍ രണ്ടുവരെ ഐസൊലേഷനില്‍ കഴിയും.
Read more
നവംബര്‍ എട്ടിനാണ് മൂന്ന് ഏകദിന മത്സരങ്ങള്‍ അടങ്ങിയ പാക്- വിന്‍ഡീസ് പരമ്പര ആരംഭിക്കുന്നത്. അതിനു മുമ്പ് കളിക്കാര്‍ കോവിഡില്‍ നിന്ന് മുക്തരാകുമെന്നതിനാല്‍ പരമ്പരയെ ബാധിക്കില്ല.
