ഐപിഎലില്‍ ഇന്ന് ചെന്നൈ സൂപ്പര്‍ കിങ്‌സ്-രാജസ്ഥാന് റോയല്‍സ് മത്സരമാണ്. തുടര്‍തോല്‍വികളില്‍പ്പെട്ട് പ്ലേഓഫ് പ്രതീക്ഷകളെല്ലാം ആദ്യമേ അവസാനിച്ച രണ്ട് ടീമുകളാണ് സിഎസ്‌കെയും ആര്‍ആര്‍ഉം. ഈ സീസണില്‍ ഇതിന് മുന്‍പ് ഒരുതവണ ഏറ്റുമുട്ടിയപ്പോള്‍ വിജയം രാജസ്ഥാന് റോയല്‍സിനൊപ്പമായിരുന്നു. നിലവില്‍ പോയിന്റ് ടേബിളില്‍ രാജസ്ഥാന് ഒമ്പതാമതും ചെന്നൈ പത്താം സ്ഥാനത്തുമാണുളളത്‌.
13 കളികളില്‍ മൂന്ന് ജയം മാത്രം നേടിയ രാജസ്ഥാന് റോയല്‍സ് ഇത്തവണ 10 തോല്‍വിയാണ് വഴങ്ങിയത്. ചെന്നൈയാവട്ടെ 12 കളികളില്‍ മൂന്ന് ജയവും ഒമ്പത് തോല്‍വിയും വഴങ്ങി. സഞ്ജു സാംസണിന്റെ പരിക്കും കഴിഞ്ഞ ലേലത്തില്‍ ബട്‌ലര്‍ ഉള്‍പ്പെടെ ചില താരങ്ങളെ ഒഴിവാക്കിയതുമാണ് രാജസ്ഥാന് തിരിച്ചടിയായത്. റിയാന്‍ പരാഗിന്റെ ക്യാപ്റ്റന്‍സിയില്‍ അത്ര മികച്ച പ്രകടനം നടത്താന്‍ ആര്‍ആറിന് സാധിച്ചില്ല.
കൂടാതെ നല്ല ഫിനിഷര്‍മാര്‍ ടീമിലില്ലാത്തതും പല മത്സരങ്ങളിലും ടീമിന് തിരിച്ചടിയായി. നിരവധി കളികളില്‍ വിജയത്തിന് അടുത്തെത്തിയിട്ടും മത്സരം പിടിക്കാന്‍ രാജസ്ഥാന് സാധിച്ചിരുന്നില്ല. ചെന്നൈക്കാവട്ടെ ഹോംഗ്രൗണ്ടിലും എവേയിലും ഉള്‍പ്പെടെ ഒരു സ്ഥലത്തും രക്ഷയില്ലാത്ത അവസ്ഥയാണ് ഈ സീസണിലുണ്ടായത്. ധോണി ക്യാപ്റ്റനായി തിരിച്ചെത്തിയിട്ടും അവരെ തോല്‍വിയില്‍ നിന്നും കരകയറ്റാനായില്ല.
Read more
