ന്യൂസിലന്ഡിനെതിരായ മുംബൈ ടെസ്റ്റില് ക്യാപ്റ്റന് വിരാട് കോഹ്ലി തിരിച്ചുവരുമ്പോള് താത്കാലിക നായകന് അജിന്ക്യ രഹാനെ ടീമിന് പുറത്താകുമെന്ന് കിവി സ്പിന് ഇതിഹാസം ഡാനിയേല് വെറ്റോറി. ഫോമിലുള്ള ശ്രേയസ് അയ്യരെ മാറ്റുക സാധ്യമല്ലെന്നും വെറ്റോറി പറഞ്ഞു.
രഹാനെയെ കരുത്തനായ ബാറ്ററായാണ് ഞാന് ഇപ്പോഴും കരുതുന്നത്. അയാള് കൂടുതല് ആക്രമണോത്സുക കാട്ടാന് ശ്രമിക്കുന്നു. ഷോട്ട് കളിക്കുമ്പോള് രഹാനെയ്ക്ക് ആശയക്കുഴപ്പമുള്ളതായി തോന്നുന്നില്ല. എന്നാല് ഔട്ടാകുന്നു. മുംബൈ ടെസ്റ്റില് രഹാനെയെ കളിപ്പിച്ചില്ലെങ്കില് അതു കരിയറിന്റെ അവസാനമെന്ന് പറയാനാവില്ല. ഒരു ടെസ്റ്റില് നിന്നു മാത്രമുള്ള ഒഴിവാക്കല് മാത്രമാകും അത്. കഠിനാധ്വാനം ചെയ്യാന് രഹാനെയ്ക്ക് അത് അവസരമൊരുക്കും- വെറ്റോറി പറഞ്ഞു.
Read more
നിലവാരമുള്ള ടീമിനോട് അരങ്ങേറ്റ ടെസ്റ്റില് സെഞ്ച്വറി നേടിയ ശ്രേയസ് അയ്യരെ പോലൊരു താരത്തെ ഒഴിവാക്കുക പ്രയാസകരം. മിക്കവാറും രഹാനെയാകും കോഹ്ലിക്ക് വഴിമാറിക്കൊടുക്കയെന്നും വെറ്റോറി കൂട്ടിച്ചേര്ത്തു.