സഹതാരമായ യുസ്‌വേന്ദ്ര ചഹലിന്റെ ചഹാല്‍ ടിവിക്ക് ഭുവനേശ്വര്‍ കുമാര്‍ നല്‍കിയ അഭിമുഖം ശ്രദ്ധ നേടുന്നു. അഭിമുഖത്തിനായി ചഹല്‍ തന്നെ ഇത്രയും നാളിനിടെയി്ല്‍ പരിഗണിച്ചില്ലെന്നും ഏറെ വൈകിയാണ് തനിക്ക് ക്ഷണം വന്നതെന്നും ഇതില്‍ തനിക്ക് നിരാശയുണ്ടെന്നും ഭുവി അഭിമുഖത്തില്‍ തുറന്നടിച്ചു.
“ചഹലിന്റെ പ്രവര്‍ത്തിയില്‍ എനിക്ക് നിരാശയുണ്ട്. അവന്റെ ചാനലിലെ എന്റെ ആദ്യ പരിപാടിയാണിത്. ഡ്രസിംഗ് റൂമില്‍ വെച്ചെ എന്നെ പരിപാടിയിലേക്ക് ക്ഷണിക്കണമെന്ന് അവനോട് അഭ്യര്‍ത്ഥിച്ചതാണ്. എന്നാല്‍ അവന്‍ എന്നെ ക്ഷണിച്ചില്ല” ഭുവി പറഞ്ഞു.
ശ്രീലങ്കയ്‌ക്കെതിരായ ആദ്യ ടി20യിലെ ബോളിംഗ് അനുഭവം താരം അഭിമുഖത്തില്‍ പങ്കുവെച്ചു. “തുടക്കത്തില്‍ നല്ല സ്വിംഗ് ലഭിച്ചിരുന്നു. എന്നാല്‍ തുടക്കം മുതല്‍ ശ്രീലങ്കന്‍ ബാറ്റ്സ്മാന്‍മാര്‍ സാഹസത്തിന് തയ്യാറായി. ബൗണ്ടറികള്‍ നേടി. മധ്യ ഓവറുകളില്‍ കഴിയുന്നത്ര ഡോട്ട് ബോളുകള്‍ എറിയാനാണ് ശ്രമിച്ചത്. ഡെത്ത് ഓവറിലും ഇത് തന്നെയായിരുന്നു പദ്ധതി.പന്തിന്റെ വേഗതയില്‍ മാറ്റം വരുത്താനാണ് ശ്രമിച്ചത്” ഭുവനേശ്വര്‍ കുമാര്‍ പറഞ്ഞു.
Read more
മത്സരത്തില്‍ 3.3 ഓവറില്‍ 22 റണ്‍സ് മാത്രം വിട്ടുകൊടുത്താണ് നാല് വിക്കറ്റാണ് ഭുവനേശ്വര്‍ വീഴ്ത്തിയത്. ശ്രീലങ്കയിലെ ഇന്ത്യന്‍ താരത്തിന്റെ മികച്ച രണ്ടാമത്തെ ബോളിംഗ് പ്രകടനമാണിത്.
