എകദിന ക്രിക്കറ്റില്‍ നിന്നും വിരമിക്കല്‍ പ്രഖ്യാപിച്ച് ഓസ്‌ട്രേലിയന്‍ താരം ഗ്ലെന്‍ മാക്‌സ്‌വെല്‍. രണ്ട് ലോകകപ്പ് കിരീടം നേടിയ സമയത്ത് ഓസീസ് ടീമംഗമായിരുന്നു മാക്‌സ്‌വെല്‍. 2023 ലോകകപ്പ് സെമിഫൈനലില്‍ അഫ്ഗാനിസ്ഥാനെതിരെ മാക്‌സ്‌വെല്‍ കാഴ്ചവച്ച പ്രകടനം ഇപ്പോഴും ഏകദിന ക്രിക്കറ്റ് ചരിത്രത്തിലെ എറ്റവും മികച്ച ഇന്നിങ്‌സുകളിലൊന്നായാണ് വിലയിരുത്തപ്പെടുന്നത്. മത്സരത്തിനിടെ കാല് വേദന അനുഭവപ്പെട്ടിട്ടും തളരാതെ 201 റണ്‍സ് നേടിയാണ് അന്ന് അഫ്ഗാനെ തോല്‍പ്പിച്ച് മാക്‌സ്‌വെല്‍ ഓസ്‌ട്രേലിയയെ ഫൈനലില്‍ എത്തിച്ചത്.
അന്ന് ഇന്ത്യയെ തോല്‍പ്പിച്ച് ഓസ്‌ട്രേലിയ കിരീടം നേടുകയും ചെയ്തു. ഒരു പോഡ്കാസ്റ്റിലൂടെയായിരുന്നു മാക്‌സ്‌വെല്ലിന്റെ വിരമിക്കല്‍ പ്രഖ്യാപനം. 149 ഏകദിന മത്സരങ്ങളാണ് മാക്‌സ്‌വെല്‍ തന്റെ കരിയറില്‍ കളിച്ചിട്ടുളളത്. ഇത്രയും കളികളില്‍ നിന്നായി 3990 റണ്‍സ് താരം നേടി. 126.70 ആണ് സ്‌ട്രൈക്ക് റേറ്റ്. 77 വിക്കറ്റുകള്‍ താരം നേടി.
Read more
2017ന് ശേഷം ഓസ്‌ട്രേലിയക്ക് വേണ്ടി താരം ടെസ്റ്റ് ക്രിക്കറ്റില്‍ കളിച്ചിട്ടില്ല. എന്നാല്‍ ടെസ്റ്റില്‍ നിന്നും ഇതുവരെ താരം ഔദ്യോഗികമായി വിരമിച്ചിട്ടില്ല. ഏകദിനത്തില്‍ നിന്നും വിരമിച്ച മാക്‌സ്‌വെല്‍ ഇനി ടി20 ക്രിക്കറ്റില്‍ കൂടുതല്‍ ശ്രദ്ധ കേന്ദ്രീകരിക്കുമെന്നാണ് പറഞ്ഞത്. 2026ലെ ടി20 ലോകകപ്പാണ് താരത്തിന്റെ ലക്ഷ്യം.
