ഡല്‍ഹി ക്യാപിറ്റല്‍സ് ടീമിന്റെ ബാറ്റിങ് ലൈനപ്പിലെ പ്രശ്‌നങ്ങള്‍ തുറന്നുപറഞ്ഞ് മുന്‍ ഇന്ത്യന്‍ താരം ആകാശ് ചോപ്ര. ഓപ്പണിങ് കോമ്പിനേഷന്‍ അവര്‍ ഏഴ് തവണയാണ് മാറ്റിപരീക്ഷിച്ചതെന്നും എന്നാല്‍ അതൊന്നും വര്‍ക്കായില്ലെന്നും ചോപ്ര പറഞ്ഞു. ഒടുവില്‍ അവര്‍ കെഎല്‍ രാഹുല്‍-ഫാഫ് ഡുപ്ലസിസ് സഖ്യത്തില്‍ എത്തിനില്‍ക്കുകയാണ്. മുംബൈ ഇന്ത്യന്‍സിനെതിരെയാണ് ഡല്‍ഹി ക്യാപിറ്റല്‍സിന്റെ അടുത്ത മത്സരം. പ്ലേഓഫില്‍ എത്തണമെങ്കില്‍ ഇനിയുളള രണ്ട് മത്സരങ്ങളും അവര്‍ക്ക് ജയിച്ചേ പറ്റുളളൂ.
നിലവില്‍ 12കളികളില്‍ ആറ് ജയവും അഞ്ച് തോല്‍വിയും ഉള്‍പ്പെടെ 13 പോയിന്റാണ് ഡല്‍ഹിക്കുളളത്. ഡല്‍ഹിയുടെ പ്രശ്‌നങ്ങള്‍ വ്യത്യസ്തമാണെന്ന് ആകാശ് ചോപ്ര പറയുന്നു. “അവര്‍ ഇതിനോടകം തന്നെ ഏഴ് ഓപ്പണിങ് കോമ്പിനേഷനുകള്‍ പരീക്ഷിച്ചുകഴിഞ്ഞു. കെ.എല്‍. രാഹുല്‍ ഇപ്പോള്‍ ഫാഫ് ഡു പ്ലെസിസിനൊപ്പം മാത്രമേ ഓപ്പണര്‍ ആകുകയുള്ളൂ എന്ന് തോന്നുന്നു, കെ.എല്‍. രാഹുലിന് ഈ ഗ്രൗണ്ട് വളരെ ഇഷ്ടമാണ്, മുംബൈയ്‌ക്കെതിരായ ബാറ്റിംഗും അദ്ദേഹത്തിന് ഇഷ്ടമാണ്. ഈ ഗ്രൗണ്ടില്‍ അദ്ദേഹം ധാരാളം റണ്‍സ് നേടിയിട്ടുണ്ട്”, ചോപ്ര പറഞ്ഞു.
Read more
“എന്നിരുന്നാലും, കഴിഞ്ഞ മത്സരത്തിന് ശേഷം താന്‍ സെഞ്ച്വറി നേടിയെന്ന് രാഹുല്‍ തീര്‍ച്ചയായും കരുതിയിരിക്കാം, പക്ഷേ അത് ടീമിനെ വിജയത്തിലേക്ക് നയിച്ചില്ല. അതിനാല്‍ കഴിഞ്ഞ മത്സരത്തിന്റെ ആദ്യ അഞ്ച് ഓവറുകളില്‍ റണ്‍സ് നേടാന്‍ കഴിയാത്തതിനാല്‍ അദ്ദേഹം കൂടുതല്‍ വേഗത്തില്‍ ഇനി സ്‌കോര്‍ ചെയ്യാന്‍ ശ്രമിച്ചേക്കാം”, ആകാശ് ചോപ്ര നിരീക്ഷിച്ചു.
