ശത്രുക്കൾ പോലും പ്രതീക്ഷിക്കാത്ത അവസ്ഥ, നിസ്സഹായനായി കോഹ്ലി; ഇനി ഒരു തിരിച്ചുവരവ് കാണുമോ

ഇങ്ങനെ ഒരു അവസ്ഥയിൽ നിങ്ങളെ കാണേണ്ടി വരുമെന്ന് പ്രതീക്ഷിച്ചില്ല കോഹ്ലി. എത്രയോ പ്രാവശ്യം നിങ്ങളെക്കുറിച്ച് നല്ലത് മാത്രം എഴുതിയ ആളുകൾക്ക് നിങ്ങളെക്കുറിച്ച് മോശം എഴുതേണ്ടതായി വരുമെന്ന് ഓർത്തുകാണില്ല. ഇതിനേക്കാൾ വലിയ സ്കോർ പിന്തുടർന്നപ്പോൾ നിങ്ങളാണ് ക്രീസിൽ ഉള്ളതെങ്കിൽ ഒരു വിശ്വാസമായിരുന്നു, ഇപ്പോൾ എ വിശ്വാസം പേടിയായി മാറിയിരിക്കുകയാണ്. നിങ്ങൾ പുറത്താക്കുമോ എന്നതാണ് പേടിക്ക് കാരണം. ഫീൽഡിങ്ങിൽ നിങ്ങൾക്ക് പിഴക്കുന്നു, കൈകൾ ചോരുന്നു, ബാറ്റിംഗിൽ പരാജയമാകുന്നു; എന്താണ് നിങ്ങൾക്ക് സംഭവിക്കുന്നത് ?

വയ്യ അങ്ങട് വന്ന് ആ കിടപ്പ് കാണാൻ എനിക്ക് വയ്യ, മനസ്സില് ദൈവങ്ങൾക്കൊപ്പം കൊണ്ട് നടക്കണ ചിത്രം ഉണ്ട് അത് അങ്ങനെ തന്നെ നിക്കട്ടെ. കിടന്ന് പോയീന്നു ഞാൻ വിശ്വസിക്കില്ലെടോ. ദേവാസുരം സിനിമയിലെ ഈ ഡയലോഗാണ് ഓരോ കോഹ്ലി ആരാധകനും മനസ്സിൽ വരുന്നത്, നിസഹനായി താരം ഓരോ തവണ ക്രീസ് വിടുമ്പോഴും.

ഇന്നലെ ഇംഗ്ലണ്ടുമായി നടന്ന രണ്ട്മ ടി20 യിൽ ഫോമിലുള്ള ദീപക്ക് ഹുദായെ മാറ്റി താരത്തെ ഇറക്കിയപ്പോൾ തന്നെ മുറുമുറുപ്പുകൾ വന്നിരുന്നു. അതിനെ സാധൂകരിക്കുന്ന രീതിയിൽ തന്നെ വെറും 1 റൺസ് എടുത്താണ് കോഹ്ലി പുറത്തായത്. അടുത്ത മത്സരത്തിൽ കോഹ്ലി തിരിച്ചുവരുമെന്ന് എല്ലാവരും പ്രതീക്ഷിച്ചു. എന്നാൽ ഒരു ഫോറം സിക്‌സും അടിച്ച ആ ഇന്നിംഗ്സ് നീണ്ടുനിന്നത് വെറും 11 റൺസെടുത്ത് കോഹ്ലി മടങ്ങിയപ്പോൾ നമുക്ക് നഷ്ടമായത് ആ പഴയ ഫിനിഷറെയാണോ എന്ന് ലോകം സംശയിക്കുന്നു.

Nothing is going right for the great man’ വിരാട് കോഹ്ലി പുറത്തായതിന് ശേഷം കമ്മെന്ററി ബോക്സിൽ പറഞ്ഞ വാക്കുകളാണിത്. വലിയ റൺസുകൾ ഒരു പാട് പിറവിയെടുത്ത ബാറ്റിൽ നിന്നും ഇപ്പോൾ രണ്ടക്കം കടന്നാൽ ഭാഗ്യം എന്ന അവസ്ഥയിലേക്ക് എത്തി. എന്താണ് സൂപ്പർ താത്തിന് സംഭവിച്ചത്? ഇതിനുള്ള ഉത്തരമായി ക്രിക്കറ്റ് വിദഗ്ദരും അമ്പയറുമാരും പറയുന്ന ഉത്തരമാണ് – kohli definitely need a break ( കോഹ്ലിക്ക് വിശ്രമം വളരെ അത്യാവശ്യമാണ്). ലോകോത്തര താരങ്ങൾ പലരും കടന്നുപോയിട്ടുള്ള ബുദ്ധിമുട്ടേറിയ ഒരു സമയം തന്നെയാണ് കോഹ്‌ലിക്കും ഇപ്പോൾ.

എന്നാൽ യാതൊരു കോൺഫിഡൻസും ഇല്ലാത്ത കൊഹ്‌ലിയെ ലോകകപ്പ് ടീമിൽ ഉൾപെടുത്താരുതെന്ന ആവശ്യം ഉയർന്ന സ്ഥിതിക്ക് അടുത്ത കളി അവസാന അവസരമാകാനാണ് സാധ്യത കൂടുതലും.