വാംഗഡെ സ്റ്റേഡിയത്തില്‍ ചരിത്രമെഴുതിയ ഇന്ത്യന്‍ വനിതകളുടെ വിജയം ക്ലിക്ക് ചെയ്ത് ഓസീസ് ക്യാപ്റ്റന്‍. അലീസ ഹീലിയാണ് ചരിത്ര മുഹൂര്‍ത്തം ക്യാമറയില്‍ പകര്‍ത്തിയത്. സാമൂഹ്യ മാധ്യമങ്ങളില്‍ ഇതോടകം ചിത്രം വൈറലായി കഴിഞ്ഞു. ഇന്ത്യ ഓസീസിനെതിരെ ആദ്യമായാണ് ടെസ്റ്റ് ക്രിക്കറ്റില്‍ വിജയം കൈവരിക്കുന്നത്.
എട്ട് വിക്കറ്റുകള്‍ക്കാണ് ഇന്ത്യയുടെ ഉരുക്ക് വനിതകള്‍ കങ്കാരുപടയെ കീഴടക്കിയത്. ഇതാണ് യഥാര്‍ത്ഥ ക്രിക്കറ്റ് സ്പിരിറ്റെന്നും മനം കുളിര്‍പ്പിക്കുന്ന ദൃശ്യങ്ങളെന്നുമാണ് ആരാധകര്‍ സാമൂഹ്യ മാധ്യമങ്ങളില്‍ ചിത്രം പങ്കുവച്ച് കുറിക്കുന്നത്. മത്സരത്തിന് ശേഷം സമ്മാനദാനത്തിന് ഇറങ്ങുമ്പോഴാണ് താരം ക്യാമറയുമായെത്തിയത്. ഇന്ത്യയുടെ ലോകകപ്പ് നേടിയ വാംഗഡെ സ്റ്റേഡിയത്തില്‍ കങ്കാരുപടയെ കീഴടക്കി ആദ്യ ടെസ്റ്റ് ക്രിക്കറ്റ് വിജയം നേടിയെന്നതാണ് ആരാധകരെ ഏറെ ത്രസിപ്പിക്കുന്നത്.
Read more
എട്ട് വിക്കറ്റുകള്‍ക്കാണ് ഇന്ത്യയുടെ ഉരുക്ക് വനിതകള്‍ കങ്കാരുപടയെ കീഴടക്കിയത്. രണ്ടാം ഇന്നിങ്‌സില്‍ 75 റണ്‍സ് വിജയലക്ഷ്യവുമായി ഇറങ്ങിയ ഇന്ത്യന്‍ ടീമിനായി സ്മൃതി മന്ഥാന 38 റണ്‍സുമായി പുറത്താകാതെ നിന്നു. ഒന്നാം ഇന്നിങ്‌സില്‍ 219 റണ്‍സിന് കളംവിടേണ്ടി വന്ന ഓസീസിനെതിരെ ഇന്ത്യ 406 റണ്‍സിന്റെ കൂറ്റന്‍ സ്‌കോര്‍ പടുത്തുയര്‍ത്തിയിരുന്നു.
