ക്രൂരമായി ഉപദ്രവിക്കുന്ന ഭര്‍ത്താവില്‍ നിന്നും രക്ഷിക്കണമെന്ന് ആവശ്യപ്പെട്ട് ഷാര്‍ജയില്‍ വീട്ടമ്മയുടെ വീഡിയോ സന്ദേശം. ജാസ്മിന്‍ സുല്‍ത്താന എന്ന സ്ത്രീയാണ് സഹായം തേടി ട്വിറ്ററില്‍ വന്നത്. ഭര്‍ത്താവ് ക്രൂരമായി ഉപദ്രവിക്കുന്നുവെന്നും രക്ഷിക്കണമെന്നും ഇവര്‍ വീഡിയോയില്‍ പറയുന്നു.
“അടിയന്തരമായി സഹായം വേണം. എന്റെ പേര് ജാസ്മിന്‍ സുല്‍ത്താന. ഞാന്‍ യുഎഇയിലെ ഷാര്‍ജയില്‍ താമസിക്കുന്നു. എന്റെ ഭര്‍ത്താവിന്റെ പേര് മൊഹമ്മദ് ഖിസര്‍ ഉല്ല. എന്നെ ഭര്‍ത്താവ് ക്രൂരമായി ഉപദ്രവിക്കുന്നു. സഹായിക്കണം” എന്ന കുറിപ്പോടു കൂടിയാണ് ട്വിറ്ററില്‍ വീഡിയോ പങ്കുവെച്ചിരിക്കുന്നത്. മുഖത്ത് മര്‍ദ്ദനത്തിന്റെ പാടുകള്‍ കാണാം.
വീര്‍ത്തുകെട്ടിയ കണ്ണുകളില്‍ നിന്ന് ചോരയൊലിക്കുന്നുണ്ട്. കരഞ്ഞു കൊണ്ടാണ് ഇവര്‍ രക്ഷ തേടുന്നത്. നിരവധി പേരാണ് വീഡിയോ ഷെയര്‍ ചെയ്ത് വിദേശകാര്യ വകുപ്പിനോട് സഹായം അഭ്യര്‍ത്ഥിക്കുന്നത്. വിദേശകാര്യ സഹമന്ത്രി വി.മുരളീധരന്‍ അടക്കമുള്ളവരുടെ പേജുകളിലും ആവശ്യവുമായി നിരവധി പേരെത്തി. വീഡിയോ കാണാം:
Required urgent help …..my name Jasmine sultana I live in UAE Sharjah my husband name is Mohammed khizar ulla ….I have assaulted badly by husband I want help ….. pic.twitter.com/ugp2E6tqm3
— Jasmine Sultana (@JasmineSultan18) November 12, 2019
Read more
