മലയാളത്തിന്റെ പ്രിയ നടൻ സലിംകുമാറിന്റെ സംസ്കാര ചടങ്ങിനിടെ പ്രമുഖ താരങ്ങൾ സലിംകുമാറിനെ ഒരുനോക്ക് കാണാൻ എത്തിയപ്പോൾ നിരവധിപേരാണ് അവർക്കൊപ്പം സെൽഫി എടുത്തത്. ഇതിനെതിരെ സോഷ്യൽ മീഡിയയിൽ വ്യാപക വിമർശനമാണ് ഉയരുന്നത്.
സലിംകുമാറിന്റെ അടുത്ത സുഹൃത്തും നടനുമായ ദിലീപ് സംസ്ക്കാര ചടങ്ങിലുടനീളം ഉണ്ടായിരുന്നു. അതിനിടെയാണ് ദിലീപിനൊപ്പം സെൽഫിയെടുക്കാൻ ഒരാളെത്തിയത്. ഈ ദൃശ്യങ്ങൾ സമൂഹമാധ്യങ്ങളിൽ വ്യാപകമായി പ്രചരിച്ചു. കൂടാതെ സംസ്കാര ചടങ്ങിൽ പങ്കെടുക്കാനെത്തിയ മുഖ്യമന്ത്രി വിഡി സതീശന് ഷാൾ അണിയിക്കാൻ ഒരു പാർട്ടി പ്രവർത്തകൻ തിരക്കു കൂട്ടിയെത്തിയിരുന്നു. അയാളോട് കയർത്തുകൊണ്ടാണ് മുഖ്യമന്ത്രി തന്റെ പ്രതിഷേധം അറിയിച്ചത്.
Read more
ഇപ്പോഴിതാ വിഷയത്തിൽ പ്രതികരിക്കുകയാണ് സിനിമ താരം ഭാഗ്യലക്ഷ്മി. സംസ്ക്കാര ചടങ്ങിൽ പങ്കെടുക്കാൻ എത്തിയ താരങ്ങൾക്കൊപ്പം സെൽഫിയെടുക്കാൻ തിരക്കു കൂട്ടിയവരെ പരാമർശിച്ചായിരുന്നു വിമർശനം. ‘മരണ വീട്ടിൽ വരുന്നത് തന്നെ സെൽഫി എടുക്കാനായിട്ട്! ഇങ്ങനെ കുറെയെണ്ണം,’ എന്നായിരുന്നു ഭാഗ്യലക്ഷ്മിയുടെ പ്രതികരണം. അതേസമയം വിഷയത്തിൽ മാധവ് സുരേഷും പ്രതികരിച്ചു. ‘മരണവീട് ആണെന്ന് പോലും ഓർക്കാതെ ഇങ്ങനെ കാണിക്കുന്നവരോട് ഒന്നും പറയാൻ ഇല്ല! ആരാണെങ്കിലും ലജ്ജ തോന്നുന്നു’ എന്ന് മാധവ് കുറിച്ചു.
