2022 അധ്യയനവർഷം എം.ഫിൽ കോഴ്‌സുകളുണ്ടാകില്ലെന്നും പകരം രണ്ടുവർഷത്തെ ഗവേഷണത്തോടൊപ്പമുള്ള ബിരുദാനന്തര ബിരുദ കോഴ്‌സുകൾ (ഗവേഷണാധിഷ്ഠിത പി.ജി.) ആരംഭിക്കുമെന്നും ഡൽഹി സർവകലാശാല അധികൃതർ വ്യക്തമാക്കി.
ദേശീയ വിദ്യാഭ്യാസനയത്തിന്റെ അടിസ്ഥാനത്തിൽ എം.ഫിൽ നിർത്തണമെന്ന യു.ജി.സി.യുടെ നിർദേശമാണ് തീരുമാനത്തിന് പിന്നിൽ. നിലവിൽ എം.ഫിൽ ചെയ്യുന്നവർക്ക് അതു പൂർത്തിയാക്കാം.
കോഴ്‌സ് നിർത്തുന്നതിനെതിരേ അധ്യാപകർ രംഗത്തെത്തി. പിഎച്ച്.ഡി. ചെയ്യാൻ വിദ്യാർഥിക്ക്‌ ആദ്യ പരിശീലനം ലഭിക്കുന്നത് എം.ഫിലിലൂടെയാണെന്ന് അധ്യാപകർ പറഞ്ഞു. എം.ഫിൽ ബിരുദധാരികൾക്ക് നീണ്ടകാലത്തെ ഗവേഷണങ്ങൾക്ക് നിൽക്കാതെ അധ്യാപനത്തിലേക്കും കടക്കാം.
Read more
നാലുവർഷത്തെ ഗവേഷണാധിഷ്ഠിത പി.ജി. കോഴ്‌സ് ഉൾക്കൊള്ളാനുള്ള മാനവവിഭവശേഷിയോ സാങ്കേതിക-കെട്ടിട സൗകര്യങ്ങളോ കലാലയങ്ങൾക്ക് ഇല്ലെന്നും അധ്യാപകർ ചൂണ്ടിക്കാട്ടുന്നു.
