ഇന്ത്യന്‍ പ്രധാനമന്ത്രി നരേന്ദ്ര മോദിയുടെ സത്യപ്രതിജ്ഞാ ചടങ്ങ് അമേരിക്കന്‍ മുന്‍ പ്രസിഡന്റ് ബരാക് ഒബാമ ടിവിയില്‍ കാണുന്ന ചിത്രവും, ചടങ്ങ് കാണുന്ന ലണ്ടനിലെ ആളുകള്‍ ആഹ്ലാദപ്രകടനം നടത്തുന്ന വീഡിയോയും വ്യാജം. ഇത് സംബന്ധിച്ച് ടൈംസ് ഓഫ് ഇന്ത്യയാണ് ആദ്യം വാര്‍ത്ത പുറത്തു വിട്ടിരിക്കുന്നത്.
രണ്ടും എഡിറ്റ് ചെയ്താണ് സോഷ്യല്‍ മീഡിയയില്‍ പ്രചരിപ്പിച്ചിരിക്കുന്നത്. സച്ചിന്‍ ജീന്‍വാല്‍ എന്ന് ഫെയ്സ് ബുക്ക് പ്രൊഫൈലിലാണ് ആദ്യം ചിത്രം ഷെയര്‍ ചെയ്തിരിക്കുന്നത്. പിന്നാലെ ഇത് സോഷ്യല്‍ മീഡിയയിലൂടെ വ്യാപകമായി പ്രചരിക്കുകയായിരുന്നു.
അമേരിക്കയിലിരുന്ന ഒബാമ പോലും മോദിയുടെ സത്യപ്രതിജ്ഞാ ചടങ്ങ് വീക്ഷിക്കുന്നു ഇതാണ് മോദിയുടെ ശക്തി എന്ന അടിക്കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്.
എന്നാല്‍ ന്യൂയോര്‍ക്ക് ടൈംസ് ഫോട്ടോഗ്രാഫര്‍ ഡഗ് മില്‍സ് പകര്‍ത്തിയ ചിത്രം എഡിറ്റ് ചെയ്താണ് പുതിയ ചിത്രം ഉണ്ടാക്കിയത്. 2014 ജണ്‍ 26 ന് യഥാര്‍ത്ഥ ചിത്രം മില്‍സ് ട്വിറ്ററില്‍ പങ്കുവെയ്ക്കുകയും ചെയ്തിരുന്നു. അമേരിക്കയും ജര്‍മ്മനിയും തമ്മിലുള്ള ഫുട്‌ബോള്‍ ലോക കപ്പ് കാണുന്ന ചിത്രമായിരുന്നു ഇത്.
President Obama watches the USA vs Germany World Cup game aboard Air Force One enroute to Minneapolis. #worldcup pic.twitter.com/wfuJvb6hoI
— Doug Mills (@dougmillsnyt) June 26, 2014
പ്രധാനമന്ത്രി നരേന്ദ്ര മോദി സത്യപ്രതിജ്ഞ ചെയ്യുന്ന രംഗം വലിയ സ്‌ക്രീനില്‍ കണ്ട് ലണ്ടനിലെ ആളുകളുടെ ആഹ്ലാദപ്രകടനം എന്ന കുറിപ്പോടെയാണ് ഒരു വീഡിയോ ഉള്ളത്.
https://twitter.com/Atheist_Krishna/status/1134096214033543168
2016 ജൂണ്‍ 16ന് ആസ്റ്റണ്‍ ഗേറ്റ് സ്‌റ്റേഡിയത്തില്‍ നടന്ന ഫുട്‌ബോള്‍ മത്സരത്തിന്റെ ആഘോഷപ്രകടനമാണ് എഡിറ്റ് ചെയ്ത് മാറ്റിയിരിക്കുന്നത്.
യഥാര്‍ഥ വീഡിയോ താഴെ
