പ്രധാനമന്ത്രി നരേന്ദ്ര മോദിയ്ക്ക് യാത്ര ചെയ്യാനായി വ്യോമപാത തുറക്കില്ലെന്ന പാകിസ്ഥാന്റെ നടപടി ഖേദകരമെന്ന് ഇന്ത്യ. പാകിസ്ഥാന് അന്താരാഷ്ട്ര മദ്യാദ പാലിക്കണമെന്നും ഏകപക്ഷീയ തീരുമാനത്തിന് വ്യാജകാരണങ്ങള് പറയുന്നത് അവസാനിപ്പിക്കണമെന്നും വിദേശകാര്യ മന്ത്രാലയം വക്താവ് രവീഷ് കുമാര് പറഞ്ഞു.
Ministry of External Affairs Spokesperson, Raveesh Kumar: We regret the decision of the Government of Pakistan to deny overflight clearance for the VVIP special flight for a second time in two weeks, which is otherwise granted routinely by any normal country. 1/2 (File pic) https://t.co/39J2fctJuo pic.twitter.com/JnvTcHoi4V
— ANI (@ANI) September 18, 2019
അമേരിക്കന് സന്ദര്ശനത്തിന് പാക് വ്യോമപാത വഴി മോദിയുടെ പ്രത്യേക വിമാനത്തിന് കടന്നു പോകാനുള്ള അനുമതി നല്കില്ലെന്ന് പാക് വിദേശകാര്യമന്ത്രി ഷാ മഹമൂദ് ഖുറേഷിയാണ് അറിയിച്ചത്. ഇന്നലെയാണ് പാകിസ്ഥാനോട് ഇന്ത്യ, ഔദ്യോഗികമായി വ്യോമപാത ഉപയോഗിക്കാനുള്ള അനുമതി തേടിയത്. പാക് വ്യോമപാത ഒഴിവാക്കി ഒമാന് വഴിയാകും മോദി അമേരിക്കയിലേക്ക് പറക്കുക.
നേരത്തേ രാഷ്ട്രപതി രാംനാഥ് കോവിന്ദിന്റെ ഐസ് ലന്ഡ്, സ്വിറ്റ്സര്ലന്ഡ്, സ്ലോവേനിയ എന്നീ മൂന്ന് രാജ്യങ്ങളിലേക്കുള്ള പര്യടനത്തിനും പാകിസ്ഥാന് വ്യോമപാത നിഷേധിച്ചിരുന്നു. ബാലാകോട്ട് പ്രത്യാക്രമണത്തിന് ശേഷമാണ് പാകിസ്ഥാന് വ്യോമപാത പൂര്ണമായും അടച്ചത്. എന്നാല് പിന്നീട് ഓഗസ്റ്റില് ഫ്രാന്സിലേക്ക് പോയപ്പോള് നരേന്ദ്ര മോദിക്ക് വേണ്ടി വ്യോമപാത ഉപയോഗിക്കാന് പാകിസ്ഥാന്റെ അനുവാദം തേടുകയും പാകിസ്ഥാന് അത് അംഗീകരിക്കുകയും ചെയ്തിരുന്നു. പാകിസ്ഥാന് മുകളിലൂടെ പറന്നാണ് അന്ന് നരേന്ദ്ര മോദി ഫ്രാന്സിലെത്തിയത്.
Read more
സെപ്റ്റംബര് 21 മുതല് 27 വരെയാണ് പ്രധാനമന്ത്രി നരേന്ദ്ര മോദിയുടെ അമേരിക്കന് സന്ദര്ശനം. നേരത്തേ, രാഷ്ട്രപതി രാംനാഥ് കോവിന്ദിന് വ്യോമപാത നിഷേധിച്ചതിനെ ഇന്ത്യ ശക്തമായ ഭാഷയില് അപലപിച്ചിരുന്നു.