മധ്യപ്രദേശില്‍ കോണ്‍ഗ്രസിന് പിന്തുണ പിന്‍വലിക്കുമെന്ന് ബിഎസ്പി നേതാവ് മായാവതി. ബിഎസ്പി സ്ഥാനാര്‍ത്ഥിയെ കോണ്‍ഗ്രസ് ഭീഷണിപ്പെടുത്തുന്നുവെന്ന് ആരോപിച്ചാണിത്. ഗുണ ലോക്‌സഭ മണ്ഡലത്തിലെ ബിഎസ്പി സ്ഥാനാര്‍ത്ഥിയെ കോണ്‍ഗ്രസ് ഭീഷണിപ്പെടുത്തുന്നുവെന്നാണ് മായാവതിയുടെ ആരോപണം. കോണ്‍ഗ്രസും ബിജെപിയും സര്‍ക്കാര്‍ സംവിധാനം ദുരുപയോഗം ചെയ്യുന്നത് ഒരു പോലെയാണെന്നും മായാവതി പറഞ്ഞു.
Read more
നേരത്തെ മായാവതി ലോക്‌സഭ തിരഞ്ഞെടുപ്പില്‍ കോണ്‍ഗ്രസിനൊപ്പം സഖ്യമില്ലെന്ന് പറഞ്ഞെങ്കിലും നിയമസഭാ തിരഞ്ഞെടുപ്പില്‍ മധ്യപ്രദേശില്‍ കോണ്‍ഗ്രസിനെ പിന്തുണയ്ക്കുന്ന നിലപാടായിരുന്നു സ്വീകരിച്ചത്. മധ്യപ്രദേശില്‍ ബിഎസ്പിക്ക് രണ്ട് സീറ്റും എസ്പിക്ക് ഒരു സീറ്റുമാണ് ഉള്ളത്.
