കോണ്ഗ്രസ് ഭരിക്കുന്ന രാജസ്ഥാനിലെ കോട്ട ആശുപത്രിയില് 110 ഓളം ശിശുക്കള് മരിച്ചിട്ടും ആശുപത്രി സന്ദര്ശനത്തിനെത്താത്ത പ്രിയങ്കാ ഗാന്ധിയെ വിമര്ശിച്ച് ബി.എസ്.പി അധ്യക്ഷ മായാവതി.
ഒരമ്മയായിരിക്കെ എന്തുകൊണ്ടാണ് പ്രിയങ്ക ആശുപത്രി സന്ദര്ശിക്കാനും മരിച്ച കുട്ടികളുടെ അമ്മമാരെ കാണാനും കൂട്ടാക്കാത്തതെന്ന് മായാവതി ചോദിച്ചു. ട്വീറ്റിലൂടെയായിരുന്നു മായാവതിയുടെ പ്രതികരണം.
കോണ്ഗ്രസിനെപ്പോലെയും ബി.ജെ.പിയെപ്പോലെയും ഇരട്ടത്താപ്പെടുത്ത് ബി.എസ്.പി വിലകുറഞ്ഞ രാഷ്ട്രീയം കളിക്കാറില്ല. ഈ ഇരട്ടത്താപ്പ് കാരണമാണ് അക്രമവും അരാജകത്വവും രാജ്യത്തുടനീളം നിലനില്ക്കുന്നതെന്നും മായാവതി പറഞ്ഞു.
Read more
നേരത്തേയും പ്രിയങ്കയ്ക്കെതിരെ മായാവതി ആരോപണമുന്നയിച്ചിരുന്നു. മരിച്ച കുഞ്ഞുങ്ങളുടെ കുടുംബത്തെ സന്ദര്ശിക്കാന് പ്രിയങ്ക തയ്യാറായില്ലെങ്കില് സി.എ.എക്കെതിരെ യു.പിയില് നടന്ന പ്രതിഷേധത്തില് ഇരയായവരോടുള്ള പ്രിയങ്കയുടെ സമീപനം രാഷ്ട്രീയ അവസരവാദമെന്നായിരുന്നു മായാവതി പറഞ്ഞത്.