2024 ലോക്സഭ തെരഞ്ഞെടുപ്പില്‍ പ്രതിപക്ഷ കക്ഷികള്‍ ഒരുമിച്ചു നില്‍ക്കണമെന്ന് ജമ്മു കശ്മീര്‍ മുന്‍ മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായ ഫറൂഖ് അബ്ദുള്ള. പ്രതിപക്ഷ ഐക്യനിര ശക്തിപ്പെട്ടാല്‍ തമിഴ്നാട് മുഖ്യമന്ത്രി എംകെ സ്റ്റാലിന്‍ പ്രധാനമന്ത്രിയാകാന്‍ സാധ്യതയുണ്ടെന്നും അദേഹം പറഞ്ഞു.
എംകെ സ്റ്റാലിന്റെ ജന്‍മദിനാഘോഷങ്ങളില്‍ പങ്കെടുക്കാനായി ചെന്നൈയില്‍ എത്തിയതായിരുന്നു അദ്ദേഹം. പ്രതിപക്ഷ പാര്‍ട്ടികള്‍ ഒരുമിച്ചു നിന്ന് വിജയിച്ചാല്‍, രാജ്യത്തെ നയിക്കാന്‍ ആര്‍ക്കാണ് യോഗ്യതയെന്ന് ആ സമയത്ത് തീരുമാനമെടുക്കാം എന്നും അദ്ദേഹം പറഞ്ഞു. എംകെ സ്റ്റാലിനും ഡിഎംകെയും നല്ല രീതിയിലാണ് പ്രവര്‍ത്തിക്കുന്നത്. പ്രതിപക്ഷ പാര്‍ട്ടികളെ ഒരുമിപ്പിക്കാന്‍ ഡിഎംകെ പരിശ്രമിക്കുന്നുണ്ടെന്നും അദ്ദേഹം പറഞ്ഞു.
Read more
രാജ്യത്തിന്റെ ഐക്യത്തിനായി വലിയ സംഭാവനയാണ് സ്റ്റാലിന്‍ നല്‍കുന്നത്. നാനാത്വത്തില്‍ ഏകത്വമാണ് ഇന്ത്യയുടെ ആശയം. അതില്‍ നാനാത്വം സംരക്ഷിക്കുന്നതില്‍ ഡി.എം.കെയും സ്റ്റാലിനും വലിയ പങ്കുവഹിച്ചിട്ടുണ്ടെന്നും ഫാറൂഖ് അബ്ദുല്ല പറഞ്ഞു. പ്രതിപക്ഷത്തെ ഒന്നിച്ച് കൊണ്ടു വരുന്നതില്‍ സ്റ്റാലിന്‍ പങ്കുവഹിച്ചിട്ടുണ്ടെന്നും അത് തുടര്‍ന്നു കൊണ്ടു പോകാന്‍ അദ്ദേഹത്തിന് കഴിയട്ടെയെന്നും അദ്ദേഹം പറഞ്ഞു.
