ഗുജറാത്തിലെ സർക്കാർ ആശുപത്രിയിൽ അനധികൃത മരുന്ന് പരീക്ഷണം. പരീക്ഷങ്ങൾക്കിരയായ 741 വൃക്കരോഗികളുടെ മരണം സംശയ നിഴലിൽ ആയിരിക്കയാണ്. 1999- 2017 കാലത്തുണ്ടായ മരണങ്ങൾ ഇപ്പോൾ പുറത്തുവന്നത്, അഹമ്മദാബാദ് കോർപ്പറേഷൻ ആശുപത്രിയിൽ അനുവാദമില്ലാത്ത മരുന്നു പരീക്ഷണങ്ങളിലൂടെ ഡോക്‌ടർമാർ പണം വെട്ടിച്ച സംഭവം ഉണ്ടായതോടെയാണ്.

സർക്കാർ ഉടമസ്ഥതയിലുള്ള അഹമ്മദാബാദിലെ ഇൻസ്റ്റിറ്റ്യൂട്ട് ഓഫ് കിഡ്‌നി ഡിസീസസ് ആൻഡ് റിസർച്ച് സെൻ്ററിൽ(ഐകെഡിആർസി) സ്റ്റെം സെൽ തെറാപ്പി പരീക്ഷണങ്ങൾക്ക് വിധേയരായ 2352 രോഗികളിൽ 741 പേരാണ് മരിച്ചത്. ആശുപത്രിയിൽ അനുമതിയില്ലാതെ നടത്തുന്ന സ്റ്റെംസെൽ തെറാപ്പി പരീക്ഷണങ്ങൾ സംബന്ധിച്ച് സ്വീകരിച്ച നടപടികളറിയിക്കാൻ നാഷണൽ ഓർഗൻ ആൻഡ് ടിഷ്യു ട്രാൻസ്‌പ്ളാൻ്റ് ഓർഗനൈസേഷൻ സംസ്ഥാന ആരോഗ്യ വകുപ്പ് അഡീഷണൽ ഡയറക്‌ടർക്ക് കഴിഞ്ഞ ദിവസം നിർദേശം നൽകി.

1999- 2017 കാലത്തുണ്ടായ ഈ മരണങ്ങൾ സംബന്ധിച്ച സിഎജി റിപ്പോർട്ടിന്റെ അടിസ്ഥാനത്തിൽ നടപടി വേണമെന്നാവശ്യപ്പെട്ട് കോൺഗ്രസും രംഗത്തെത്തി. 91 ശതമാനം കേസുകളിലും തെറാപ്പി പരാജയപ്പെട്ടതായി സിഎജി റിപ്പോർട്ടിൽ പറയുന്നു. പരീക്ഷണങ്ങൾക്ക് ഇരയായവരിൽ 569 പേരിൽ വൃക്ക മാറ്റിവെക്കൽ പരാജയപ്പെട്ടു.

Read more

മോഹൻലാൽ ഇനി പോലീസ് യൂണിഫോമിലേക്ക്... ; സംവിധാനം നടൻ ഓസ്റ്റിൻ ഡാൻ തോമസ്

''എന്റെ കാൻസറിനെ കുറിച്ച് നീ വിഷമിക്കേണ്ട, രാജ്യത്തിന് വേണ്ടി നല്ലത് ചെയ്യൂ, നിന്റെ ഓരോ വിക്കറ്റ് നേട്ടവും ഞങ്ങളിവിടെ ആർപ്പുവിളിച്ച് ആഘോഷിക്കുകയാണ്''; ആകാശ് ദീപിന് സഹോദരിയുടെ സന്ദേശം

ദാരിദ്ര്യം നന്നായി അറിഞ്ഞിട്ടുള്ള നടനാണ്, കാശൊക്കെ ചോദിച്ച് വാങ്ങാൻ മടിയായിരുന്നു ; ഒടുവിൽ ഉണ്ണികൃഷ്ണനെ കുറിച്ചുള്ള ഓർമ പങ്കിട്ട് ജഗദീഷ്

വിസ്മയ ചില്ലറകാരിയല്ല! 'തുടക്കം' ഇടിപടമോ? പേരിൽ മറഞ്ഞിരിക്കുന്ന രഹസ്യം കണ്ടെത്തി സോഷ്യൽ മീഡിയ

'എന്താ മോനെ ഇതൊക്കെ...' കണ്ണിൽ മൈക്ക് കൊണ്ടു, പ്രതികരിച്ച് മോഹൻലാൽ; വൈറലായി വീഡിയോ

അഹമ്മദാബാദ് കോർപ്പറേഷൻ്റെ ഉടമസ്ഥതയിലുള്ള വിഎസ് ഹോസ്പിറ്റലിനെ ക്ളിനിക്കൽ പരീക്ഷണങ്ങൾ നടത്തുന്നതിൽനിന്ന് ഡ്രഗ്സ് കൺട്രോളർ ജനറൽ ഓഫ് ഇന്ത്യ കഴിഞ്ഞദിവസം വിലക്കിയിരുന്നു. 2021- 2025 കാലത്ത് അംഗീകൃത എത്തിക്‌സ് കമ്മിറ്റിയുടെ അനുമതിയില്ലാതെ അഞ്ഞൂറോളം രോഗികളിലാണ് ഇവർ 50-ഓളം കമ്പനികളുടെ മരുന്നുപയോഗിച്ച് പരീക്ഷണം നടത്തിയത്.