വർഷങ്ങളായി സനാതൻ ധർമ്മമാണ് ഇന്ത്യയെ നയിക്കുന്നതെന്ന തമിഴ്നാട് ഗവർണർ ആർ.എൻ രവിയുടെ പ്രസ്താവനക്കെതിരെ ഡി.എം.കെ ട്രഷററും മുൻ കേന്ദ്രമന്ത്രിയുമായ ടി.ആർ ബാലു. ഗവർണർ പ്രസ്താവന പിൻവലിച്ച് മാപ്പ് പറയണമെ ന്നും. ഈ പ്രസംഗത്തെ അപലപിക്കുന്നതായും ബാലു പുറത്തിറക്കിയ പത്രക്കുറിപ്പിൽ പറഞ്ഞു.
അയ്യപ്പ ഭക്തിഗാനമായ ‘ഹരിവരാസനം’ 100-ാം വാർഷിക പരിപാടിക്കിടയിലാണ് ഗവർണർ ആർ.എൻ രവി സനാതൻ ധർമ്മത്തെക്കുറിച്ച് അഭിപ്രായം പറഞ്ഞത്. സനാതൻ ധർമ്മത്തെ മഹത്വവത്കരിച്ച ഗവർണർ, ആയിരക്കണക്കിന് വർഷങ്ങളായി സനാതൻ ധർമ്മമാണ് ഇന്ത്യയെ നയിക്കുന്നതെന്നും വ്യക്തമാക്കുകയായിരുന്നു.
യുഎസ് നടത്തിയ ബോംബാക്രമണത്തെത്തുടർന്ന് അഫ്ഗാൻ നഗരങ്ങളായ പെഷവാറും കാണ്ഡഹാറും തകർത്തതിനെ ന്യായീകരിച്ച ഗവർണറുടെ പരാമർശം രാജ്യത്ത് ആഭ്യന്തര കലാപത്തിന് കാരണമാകുമെന്നും ഡി.എം.കെയുടെ പ്രസ്താവനയിൽ പറയുന്നുണ്ട്. സമാധാനം കാംക്ഷിക്കുന്ന തമിഴ്നാട്ടിൽ ഗവർണറുടെ പ്രസ്താവന ശക്തമായ സംശയങ്ങളും ഭയവും സൃഷ്ടിച്ചിട്ടുണ്ടെന്നും മുൻ കേന്ദ്രമന്ത്രി ആരോപിച്ചു.
Read more
ഇന്ത്യയെ നയിക്കുന്നത് സനാതൻ ധർമ്മമല്ല, ഇന്ത്യൻ ഭരണഘടനയാണന്നും. മനു ധർമ്മമല്ല ജനാധിപത്യമാണ് രാജ്യം ഭരിക്കുന്നതെന്നും മുൻ കേന്ദ്രമന്ത്രി പറഞ്ഞു. ഗവർണർ തന്റെ അഭിപ്രായങ്ങൾ പിൻവലിക്കണമെന്നും ഭാവിയിൽ ഇത്തരം പ്രസ്താവനകൾ ഒഴിവാക്കുമെന്ന് ഉറപ്പാക്കണമെന്നും അദ്ദേഹം ആവശ്യപ്പെട്ടു