കോവിഡ് വാക്സിൻ എപ്പോൾ ലഭ്യമാകുമെന്ന് ഇപ്പോൾ പറയാനാകില്ലെന്നും എല്ലാം ശാസ്ത്രജ്ഞന്മാരുടെ കൈകളിലാണെന്നും പ്രധാനമന്ത്രി നരേന്ദ്രമോദി.
കേരളം ഉൾപ്പടെ രോഗവ്യാപനം രൂക്ഷമായ എട്ട് സംസ്ഥാനങ്ങളിലെ സാഹചര്യം അവലോകനം ചെയ്യാനായി വിളിച്ച് ചേർത്ത മുഖ്യമന്ത്രിമാരുടെ യോഗത്തിലാണ് പ്രധാനമന്ത്രി ഇക്കാര്യം വ്യക്തമാക്കിയത്.
കോവിഡ് വ്യാപനം രൂക്ഷമായ ഡൽഹി, കേരളം, മഹാരാഷ്ട്ര തുടങ്ങിയ എട്ടു സംസ്ഥാനങ്ങളിലെ മുഖ്യമന്ത്രിമാരുമായാണ് പ്രധാനമന്ത്രി വീഡിയോ കോൺഫറൻസിലൂടെ ചർച്ച നടത്തിയത്.
സംസ്ഥാനങ്ങൾ കൂടുതൽ ജാഗ്രത പാലിക്കണമെന്നും രാജ്യത്തെ കോവിഡ് മരണനിരക്ക് ഒരു ശതമാനത്തിൽ താഴെയാകണമെന്നും പ്രധാനമന്ത്രി പറഞ്ഞു.
Read more
കോവിഡ് വാക്സിൻ വിതരണം സുതാര്യമായിരിക്കും. എല്ലാ ലോകരാജ്യങ്ങളുമായും ബന്ധപ്പെട്ടു കൊണ്ടിരിക്കുകയാണ്. ഏത് രാജ്യത്തിന്റെ വാക്സിൻ ആദ്യമെത്തുമെന്ന് പറയാനാവില്ലെന്നും അദ്ദേഹം കൂട്ടിചേർത്തു.