നാളെ ഡൽഹിയിൽ നടക്കുന്ന ദേശീയ ജനസംഖ്യ രജിസ്റ്ററുമായി ബന്ധപ്പെട്ട പ്രാഥമിക യോഗത്തിൽ നിന്ന് ബംഗാൾ വിട്ടുനിൽക്കും. കേന്ദ്ര സർക്കാർ വിളിച്ച യോഗത്തിൽ ബംഗാളിൽ നിന്നുള്ള പ്രതിനിധികൾ പങ്കെടുക്കില്ലെന്ന് മുഖ്യമന്ത്രി മമത ബാനർജി അറിയിച്ചു.
Read more
നാളെ നടക്കുന്ന യോഗത്തിൽ നമ്മൾ പങ്കെടുക്കില്ല, ഒരു പ്രതിനിധിയെയും അയക്കില്ല. ബംഗാളിൽ ജനസംഖ്യ രജിസ്റ്റർ നടപ്പാക്കില്ല. – പൗരത്വ നിയമ ഭേദഗതിക്കെതിരെ സമരം നടത്തുന്ന തൃണമൂൽ കോൺഗ്രസിന്റെ വിദ്യാർത്ഥി വിഭാഗത്തിന്റെ യോഗത്തിൽ മമത പറഞ്ഞു. ദേശീയ ജനസംഖ്യ രജിസ്റ്റർ പുതുക്കുന്നതിനും 2021- ലെ സെൻസസ് പ്രവർത്തനങ്ങളുമായി ബന്ധപ്പെട്ട വിഷയങ്ങൾ ചർച്ച ചെയ്യുന്നതിനുമാ കേന്ദ്ര സർക്കാർ വെള്ളിയാഴ്ച യോഗം വിളിച്ചിരിക്കുന്നത്.
