ഉള്‍വനങ്ങളിലെ ആദിവാസി വിഭാഗങ്ങള്‍ക്ക് രജിസ്‌ട്രേഷനില്ലാതെ നേരിട്ട് കോവിഡ് വാക്‌സിന്‍ നല്‍കണമെന്ന് ആവശ്യപ്പെട്ട് നിലമ്പൂര്‍ എം.എല്‍.എ പി.വി അന്‍വര്‍ മലപ്പുറം ഡി.എം.ഒയ്ക്ക് കത്തയച്ചു.
പി.വി അൻവറിന്റെ ഫെയ്സ്ബുക്ക് പോസ്റ്റ്:
സംസ്ഥാനത്ത്‌ ട്രൈബൽ വിഭാഗത്തിൽപെട്ട ഏറ്റവുമധികം ജനങ്ങളുള്ള മണ്ഡലമാണ് നിലമ്പൂർ. ഇവരുടെ കോളനികളിൽ ഭൂരിഭാഗവും സ്ഥിതി ചെയ്യുന്നത്‌ ഉൾക്കാടുകളിലാണ്. കോവിഡ് വാക്സിനേഷന്റെ രജിസ്ട്രേഷൻ നടത്താനുള്ള സാഹചര്യം ഇവർക്കില്ല എന്ന് ചൂണ്ടികാട്ടുന്ന റിപ്പോർട്ടുകൾ ചില മാധ്യമങ്ങൾ പ്രസിദ്ധീകരിച്ചത്‌ ശ്രദ്ധയിൽപ്പെട്ടിരുന്നു.
ഈ ബുദ്ധിമുട്ട്‌ ഒഴിവാക്കാനായി, ഇവർക്ക്‌ നേരിട്ട് വാക്സിൻ എത്തിച്ച്‌ നൽകാനുള്ള നടപടികൾ സ്വീകരിക്കണം എന്ന് ആവശ്യപ്പെട്ടുകൊണ്ട്‌ മലപ്പുറം ജില്ലാ മെഡിക്കൽ ഓഫീസർക്ക്‌ കത്ത്‌ നൽകിയിരുന്നു. അടുത്ത ദിവസം തന്നെ അതിനുള്ള നടപടികൾ സ്വീകരിക്കുമെന്ന് ബഹു:ഡി.എം.ഒ അറിയിച്ചിട്ടുണ്ട്‌.
