കണ്ണൂർ ആർ.ടി ഓഫീസിലെ പൊതുമുതൽ നശിപ്പിച്ച കേസിൽ യൂട്യൂബ് വ്‌ളോഗർമാരായ ഇ-ബുൾ ജെറ്റ് സഹോദരങ്ങളുടെ ജാമ്യം റദ്ദാക്കണമെന്ന് ആവശ്യപ്പെട്ട് പൊലീസ് സമർപ്പിച്ച ഹർജി കോടതി തള്ളി.
തലശേരി ചീഫ്‌ ജുഡീഷ്യൽ മജിസ്‌ട്രേറ്റ്‌ കോടതിയാണ് പൊലീസിൻ്റെ ഹർജി തള്ളിയത്. ലിബിനും എബിനും ജാമ്യത്തിൽ തുടർന്നാൽ തെറ്റായ സന്ദേശമാകും നൽകുകയെന്നും, ഇരുവർക്കും കഞ്ചാവ് കടത്ത് സംഘവുമായി ബന്ധമുണ്ടെന്ന് സംശയിക്കുന്നുണ്ടെന്നുമായിരുന്നു പൊലീസിന്റെ വാദം.
നിയമവിരുദ്ധമായി രൂപമാറ്റം വരുത്തിയ വാഹനം പിടിച്ചെടുത്തതിനാണ്‌ സഹോദരങ്ങളായ എബിനും ലിബിനും കണ്ണൂർ ആർടി ഓഫീസിൽ അതിക്രമം നടത്തിയത്‌.
റിമാൻഡിലായ ഇരുവർക്കും പിഴയടച്ചശേഷം ജാമ്യം അനുവദിച്ചിരുന്നു. തുടർന്നാണ്‌ ജാമ്യം റദ്ദാക്കണമെന്ന് ആവശ്യപ്പെട്ട് ഹർജി നൽകിയത്‌.
Read more
ഇരുവരെയും അറസ്റ്റ് ചെയ്ത് നീക്കിയതിനുപിന്നാലെ സാമൂഹികമാധ്യമങ്ങളിൽ ഇവരുടെ ആരാധകർ നടത്തിയ പ്രതികരണങ്ങളും ഏറെ ചർച്ചയായിരുന്നു.
