യുവതിക്കും അമ്മയ്ക്കും അശ്ലീലസന്ദേശങ്ങൾ അയച്ചെന്ന പരാതിയിൽ പൊലീസ് അറസ്റ്റ് ചെയ്ത യുവാവിന്റെ മൊബൈൽ ഫോണിൽ നഴ്സറി വിദ്യാർത്ഥികളുടെ നഗ്ന ദൃശ്യങ്ങൾ. ഇടുക്കി ജില്ലയിലെ നെടുങ്കണ്ടത്താണ് സംഭവം. ഹൈദരാബാദിലെ നഴ്സറി സ്കൂളിലെ അധ്യാപകനായ വട്ടപ്പാറ സ്വദേശി ജോജുവാണ് അറസ്റ്റിലായത്. 27 വയസുകാരനാണ് പ്രതി. ഇയാൾ നിരവധി പേർക്ക് ഇത്തരം അശ്ലീല സന്ദേശങ്ങൾ അയച്ചിട്ടുണ്ട്.
യുവതിക്കും അമ്മക്കും നഗ്നദൃശ്യങ്ങൾ അയക്കുന്നുവെന്ന പരാതിയിൽ അറസ്റ്റ് ചെയ്തപ്പോഴാണ് പ്രതിയുടെ ഫോൺ പൊലീസ് പരിശോധിച്ചത്. ഇയാൾ നാട്ടിലായിരുന്ന സമയത്താണ് യുവതിയുടെ ഫോണിലേക്ക് നഗ്നദൃശ്യങ്ങളും സന്ദേശങ്ങളും അയച്ചത്. യുവതി ജോജിയുടെ സഹപാഠിയായിരുന്നു.
പെൺകുട്ടിക്കും അമ്മക്കും നിരന്തരമായി ഇയാൾ അശ്ലീലസന്ദേശങ്ങ ൾ അയച്ചുകൊണ്ടിരുന്നു. ഇത് തുടർന്നതോടെയാണ് പൊലീസിൽ പരാതിപ്പെട്ടത്. ഈ കേസിൽ അറസ്റ്റ് ചെയ്ത പ്രതിയെ പൊലീസ് പരിശോധിച്ചപ്പോഴാണ് ഇയാൾ പഠിപ്പിച്ചിരുന്ന നഴ്സറി സ്കൂളിലെ കുട്ടികളുടെ നഗ്നദൃശ്യങ്ങൾ പ്രതിയുടെ ഫോണിൽ ഉണ്ടെന്ന ഞെട്ടിപ്പിക്കുന്ന വിവരം പൊലീസ് ഉദ്യോഗസ്ഥർ അറിയുന്നത്.
Read more
ഹൈദരാബാദിലെ സ്വകാര്യ നഴ്സറി സ്കൂൾ അധ്യാപകനായ പ്രതി. എൽകെജി, യുകെജി ക്ലാസുകളിൽ പഠിക്കുന്ന ഈ സ്കൂളിലെ വിദ്യാർത്ഥികളുടെ മുന്നൂറോളം വീഡിയോകളും 150 നഗ്ന ദൃശ്യങ്ങളും പോലീസ് കണ്ടെത്തി. കുട്ടികളറിയാതെയാണ് പ്രതി ദൃശ്യങ്ങൾ പകർത്തിയത്.മറ്റു പെൺകുട്ടികൾക്കും ഇയാൾ ദൃശ്യങ്ങൾ അയച്ചിട്ടുണ്ടെന്ന് അന്വേഷണത്തിൽ കണ്ടെത്തി.
