കേന്ദ്രമന്ത്രിയും നടനുമായ സുരേഷ് ഗോപി വോട്ട് ചെയ്തത് ചട്ടവിരുദ്ധമായെന്നാരോപിച്ച് സിപിഐ നേതാവ് വിഎസ് സുനില്കുമാര്. തിരഞ്ഞെടുപ്പ് കമ്മീഷന് മറുപടി പറയണം എന്ന് വി എസ് സുനില്കുമാര് പറഞ്ഞു. കഴിഞ്ഞ ലോക്സ്ഭ തിരഞ്ഞെടുപ്പില് തൃശൂരില് വോട്ട് ചെയ്ത സുരേഷ് ഗോപി തദ്ദേശ തിരഞ്ഞെടുപ്പില് വോട്ട് ചെയ്തത് തിരുവനന്തപുരത്താണ് എന്നാണ് സുനിൽകുമാറിന്റെ ആരോപണം.
സ്ഥിരതാമസം എന്ന് പറഞ്ഞാണ് നേരത്തെ തൃശൂരില് വോട്ട് ചേര്ത്തത് എന്നും സുനിൽ കുമാർ പറഞ്ഞു. കഴിഞ്ഞ ലോക്സഭ ഇലക്ഷനുമായി ബന്ധപ്പെട്ടുകൊണ്ട് തിരഞ്ഞെടുപ്പ് കമ്മീഷന് മുന്പാകെ ഞാന് കൊടുത്ത പരാതി നിലനില്ക്കുന്നുണ്ട്. വ്യാജമായ നിരവധി വോട്ടുകള് ചേര്ത്ത് സ്ഥാനാര്ത്ഥിയടക്കമുള്ളവര് ഓര്ഡിനറി റസിഡന്സ് ആണെന്ന് പറഞ്ഞുകൊണ്ടാണ് ഇവിടെ പതിനായിരക്കണക്കിന് ആളുകളെ ചേര്ത്തിരിക്കുന്നത്. അക്കൂട്ടത്തില് സ്ഥാനാര്ത്ഥി ഇവിടെ വോട്ട് ചേര്ത്തത് തൃശൂര് കോര്പറേഷനിലെ മുക്കാട്ടുകര ഡിവിഷനിലാണ് എന്നും സുനിൽ കുമാർ കുറ്റപ്പെടുത്തി.
ഈ വോട്ട് നിലനില്ക്കേ അതേ വ്യക്തി തദ്ദേശ തിരഞ്ഞെടുപ്പില് ശാസ്തമംഗലം ഡിവിഷനില് വോട്ട് ചെയ്തിരിക്കുകയാണ്. ഒരു കേന്ദ്രമന്ത്രി എന്ന നിലയിലും എംപി എന്ന നിലയിലും അദ്ദേഹം തിരഞ്ഞെടുപ്പ് നിയമങ്ങളെ പരിപൂര്ണമായി ലംഘിച്ചിരിക്കുകയാണെന്നും സുനില്കുമാര് കൂട്ടിച്ചേർത്തു. ഇതേ വിഷയം അദ്ദേഹം സോഷ്യല് മീഡിയയിലും ഉന്നയിച്ചിട്ടുണ്ട്. മറുപടിയുണ്ടോ എന്ന തലക്കെട്ടിലാണ് കുറിപ്പ്.
ഫേസ്ബുക്ക് പോസ്റ്റ്
Read more
