കോഴിക്കോട് തോട്ടില്‍ മീന്‍പിടിക്കാനിറങ്ങിയ സഹോദരങ്ങളായ കുട്ടികള്‍ ഷോക്കേറ്റു മരിച്ചു. കോടഞ്ചേരി ചന്ദ്രന്‍ കുന്നേല്‍ ബിജു- ഷീബ ദമ്പതികളുടെ മക്കളായ നിധിന്‍ (14), എബിന്‍ (10) എന്നിവരാണ് മരിച്ചത്. വൈകുന്നേരം 6.30 ഓടെയാണ് സംഭവം നടന്നത്. ഇലക്ട്രിക് ലൈന്‍ തോട്ടിലേക്ക് വീണ് കുട്ടികള്‍ക്ക് ഷോക്കേല്‍ക്കുകയാരുന്നു.
Read more
തോടിന് സമീപത്തെ തേക്കുമരത്തിന്റെ ശിഖരം ഒടിഞ്ഞ് വൈദ്യുതി കമ്പിയിലേക്ക് വീണതിനെ തുടര്‍ന്ന് പോസ്റ്റ് ഒടിഞ്ഞ് തോട്ടില്‍ പതിച്ചത്. ലൈന്‍ ഓഫ് ചെയ്ത് വൈദ്യുതിബന്ധം വിച്ഛേദിച്ച് കുട്ടികളെ കോടഞ്ചേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. കോടഞ്ചേരി പൊലീസ് സ്ഥലത്തെത്തി. മൃതദേഹങ്ങള്‍ പിന്നിട് പോസ്റ്റ്മോര്‍ട്ടത്തിനായി കോഴിക്കോട് ഗവ.മെഡിക്കല്‍ കോളേജ് ആശുപത്രിയിലേക്ക് മാറ്റി.
