സർക്കാരിനെതിരായ ഗൂഢാലോചന കേസിൽ ഡിജിറ്റൽ തെളിവുകൾ സഹിതമാണ് കോടതിയിൽ രഹസ്യമൊഴി നൽകിയതെന്ന് ഷാജ് കിരൺ പറഞ്ഞു . ഷാജിന്റെ രഹസ്യമൊഴി കോടതി കേട്ടു. രണ്ട് മണിക്കൂറിലധികം ഇത് നീണ്ടുനിൽക്കുകയും ചെയ്‌തു.
പാലക്കാട് ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിലാണ് രഹസ്യമൊഴി നൽകിയത്. സ്വപ്ന നൽകിയ തെളിവുകൾ കെട്ടിച്ചമച്ച ഒന്ന് മാത്രമാണെന്നും തന്റെ പക്കൽ ശക്തമായ തെളിവുകൾ ഉണ്ടെന്നും അത് ഉടൻ തന്നെ പുറത്തുവിടുമെന്നും ഷാജ് കിരൺ പറഞ്ഞു.
Read more
പ്രത്യേക അന്വേഷണ സംഘത്തിന്റെ ആവശ്യപ്രകാരം ഷാജിന്റെയും സുഹൃത്ത് ഇബ്രഹാമിന്റെയും മൊഴി രേഖപ്പെടുത്തുക ആയിരുന്നു. ഇബ്രഹാമിന്റെ മൊഴി നേരത്തെ തന്നെ രേഖപ്പെടുത്തിയിരുന്നു. സ്വപ്ന ആദ്യം നൽകിയ മൊഴികൾക്ക് വിരുദ്ധമായ പ്രസ്താവനയാണ് സ്വപ്ന സമൂഹമാധ്യമങ്ങളിലൂടെ നടത്തിയതെന്നാണ് ഇരുവരും നൽകിയ പരാതിയിലും പറഞ്ഞത്.
