രാഹുല് മാങ്കൂട്ടത്തില് എംഎല്എയ്ക്കെതിരെ നിലപാടിലുറച്ച് മുതിര്ന്ന കോണ്ഗ്രസ് നേതാക്കള്. സ്ത്രീകള്ക്കെതിരെയുള്ള അതിക്രമത്തില് വിട്ടുവീഴ്ചയില്ലെന്നും രാഹുല് മാങ്കൂട്ടത്തിലിനെ സംരക്ഷിക്കില്ലെന്നുമാണ് പ്രതിപക്ഷ നേതാവ് വിഡി സതീശന്റെയും രമേശ് ചെന്നിത്തലയുടെയും നിലപാട്.
രാഹുലിനെതിരെ നടപടിയെടുത്തത് ഐക്യകണ്ഠേനെയെന്നാണ് നേതാക്കളുടെ പക്ഷം. രാഹുല് മാങ്കൂട്ടത്തിലിനെ പിന്തുണയ്ക്കുന്ന യുഡിഎഫ് കണ്വീനര് അടൂര് പ്രകാശിന്റെ നിലപാടിലും നേതാക്കള്ക്ക് അതൃപ്തിയുണ്ട്. രാഹുല് മാങ്കൂട്ടത്തിലിനെ കോണ്ഗ്രസിലെ ഒരു വിഭാഗം സംരക്ഷിക്കുന്നു എന്ന വിമര്ശനങ്ങള്ക്കിടെയാണ് നിലപാട് കടുപ്പിച്ച് മുതിര്ന്ന നേതാക്കള് രംഗത്തെത്തിയിരിക്കുന്നത്.
Read more
രാഹുല് മാങ്കൂട്ടത്തിലിനെതിരായ സസ്പെന്ഷന് നടപടി പ്രഖ്യാപിച്ചത് കെപിസിസി അധ്യക്ഷനാണ്. കെപിസിസി നടപടി പരസ്യമായി ചോദ്യം ചെയ്യുന്നത് അച്ചടക്ക ലംഘനമാണെന്നാണ് വി ഡി സതീശന്റെയും രമേശ് ചെന്നിത്തലയുടെയും നിലപാട്. അടൂര് പ്രകാശിന്റെ നിലപാട് എതിരാളികള് ആയുധമാക്കുമെന്നും നേതാക്കള് വിലയിരുത്തുന്നു.
