കുംഭമേളയിലെ വൈറൽ താരം മൊണാലിസ വിഷയത്തിൽ വസ്തുനിഷ്ഠമായ അന്വേഷണം വേണമെന്ന് കോൺഗ്രസ് നേതാവ് കെ. മുരളീധരൻ. തിരുവനന്തപുരത്ത് മൊണാലിസയുടെ വിവാഹത്തിൽ പങ്കെടുത്ത സിപിഎം സംസ്ഥാന സെക്രട്ടറി എം. വി. ഗോവിന്ദനെ കെ. മുരളീധരൻ പരിഹസിച്ചു. നാലുവോട്ടിന് വേണ്ടി ഇത്തരം എടുത്തുചാട്ടം പാടില്ല. തെരഞ്ഞെടുപ്പ് മുന്നിൽ കണ്ട് എടുത്തു ചാടിയതാകാമെന്നും അദ്ദേഹം പറഞ്ഞു.
വട്ടിയൂർക്കാവിൽ അയ്യായിരത്തിനും പതിനായിരത്തിനും ഇടയിൽ വോട്ടിന് യുഡിഎഫ് വിജയിക്കുമെന്നും കെ മുരളീധരൻ പറഞ്ഞു. താൻ തുടക്കത്തിൽ പറഞ്ഞതിൽ തന്നെ ഉറച്ചുനിൽക്കുന്നു. തെരഞ്ഞെടുപ്പിന്റെ അവസാന ലാപ്പിൽ മത്സരം യുഡിഎഫും എൽഡിഎഫും ആയി മാറിയിട്ടുണ്ട്. അതിൽ നല്ല ഭൂരിപക്ഷത്തോടെ യുഡിഎഫ് ജയിക്കുമെന്നും കെ മുരളീധരൻ മാധ്യമങ്ങളോട് പറഞ്ഞു.
ഫെയ്സ്ബുക്ക് വഴിയാണ് മൊണാലിസയും ഫർമാനും പരിചയപ്പെടുന്നതും പ്രണയത്തിലാകുന്നതും. ഇവരുടെ ബന്ധം വീട്ടുകാർ എതിർത്തതോടെ ഇരുവരും കേരളത്തിലേക്ക് എത്താൻ തീരുമാനിക്കുകായും വിവാഹം കഴിക്കുകയുമായിരുന്നു.
Read more
